祖馬龍心水│「追風」「爆笑」控制大局

更新時間：18:51 2025-03-11 HKT
發佈時間：18:51 2025-03-11 HKT

近年經濟不景氣，呢間舖頭執笠，嗰間又話告急，連曼聯股東拉傑夫都話呢個班霸球會年底前將會乾塘。祖馬龍作為幾十年曼聯擁躉，雖然隊波近年成績麻麻，陣容亦甩皮甩骨，但麻甩佬嘅嘢，習慣咗就好難改，或者係睇慣呢件紅色波衫！曼聯會否搵到白武士暫時未知，但今個賽日嘅紅色綵衣就好惡。
祖馬龍鍾意第五場「追風」，佢季內兩W後依然大勇，即使上仗對大局並無威脅，但本身受制於慢步速，末段追勢卻係全場最勁，更係唯一能後追接近嘅馬，雖然驟眼睇未能逼近三甲馬，不過該賽嘅段速水準非常高！至於另一匹紅色綵衣「爆笑」，上場跑三班都接近，今次揀落四班作賽，祖馬龍認為呢匹兩匹紅衫馬隨時串Q，可以控制第五場大局！

第五場 4 追風 1 爆笑 8 奮鬥輝煌
第八場 2 加州德至 5 無限美麗 10 競駿非凡

↓立即下載星島頭條App↓