祖馬龍心水│「越駿知己」靚檔衝贏

更新時間:19:06 2025-02-04 HKT
發佈時間:19:06 2025-02-04 HKT

新年長假後,大家開工大吉,細路仔未開學掛住嬉戲就分分鐘要「開年」。

講起開年,就諗起用鞭制度。舊年亞洲賽馬會議其中一個議題就係有關用鞭。英國賽馬一早已嚴格執行,平地賽最多打六鞭。每超過一鞭,騎師就要重罰停賽四日,超過用鞭上限,該駒更有機會被取消資格。

唔止限制用鞭次數,舉鞭過高亦會被罰。早前香港試閘有騎師就肉緊催策馬匹,唔小心接連鞭錯隔離騎師,不過最後受罰嘅係被鞭騎師,原因係該騎師見狀還擊。其實,佢兩個老友鬼鬼,祖馬龍只係新年流流輕鬆引述一番。

今次谷戰祖馬龍鍾意「越駿知己」,七歲馬保養得宜,近兩仗鞍上人直路都係輕輕用鞭,隻馬已經肯追一段。呢鋪排靚檔,趁快馬夠多有權衝上贏晒!

第二場    4    越駿知己    2    千杯敬典    9    超強六十
第五場    2    金匯昇昇    5    運來伍寶    11    小刺蛋