女神配對計劃2丨混血冷氣男神Oscar驚傳被淘汰？阿Bob激動相擁網民嘆靚仔但窮都係無用

更新時間：22:00 2026-09-14 HKT
發佈時間：22:00 2026-09-14 HKT

TVB戀愛真人騷《女神配對計劃2》引起全城話題，其中26歲中葡芬混血冷氣師傅方智弘（Oscar），憑精緻五官、陽光笑容及一對麒麟臂一夜爆紅。日前網上流傳Oscar於節目中被Foul出局，消息一出隨即引發網民熱烈討論。有網民為他大抱不平，留言揚言：「無佢就唔睇啦。」亦有觀眾質疑節目有劇本：「女神都係收order做嘢，轉頭可能喺藝員科見到佢呢。」

傳Oscar被叮走全民嘆可惜

有現實派網民認為女神選擇相當合理，留言：「可能只係靚仔，但無錢呢，所以咪foul囉」、「好簡單，收入低囉，你估班女神會接受咩？」更有網民分析指職業是硬傷：「咁靚仔會冇安全感、因為會有好多桃花，基本上佢哋都唔會揀一個安裝同維修冷氣嘅人做老公，生活冇保障，有冇樓同年薪幾多先係重點！」就在全城鬧得沸沸揚揚之際，有網民發文「出局」純屬美麗的誤會：「Oscar真係參賽者中最靚仔！就係Bob之前喺記者會放嗰張抱住參賽者嘅相，話一個極優質參賽者因一啲事差啲被FOUL，最後幸好都留得低，所以阿Bob好激動攬住佢！」根據髮型及衣著，證實Oscar並未止步，有驚無險。

Oscar早憑參加《全民造星V》出道

Oscar方智弘曾於2023年參加ViuTV《全民造星V》，雖在首輪止步，但其後與賀邦（Bronny）組成男團OneUp出道，推出過〈Ten Outta Ten〉等多首派台歌，更曾奪得《2024年度叱咤樂壇流行榜頒獎典禮》「叱咤樂壇生力軍組合歌手銅獎」。雖然一度因藝人身分惹來扮素人質疑，主持阿Bob亦公開力撐他，為了追夢兼職打拼值得尊重。如今Oscar成功化險為夷有得留低，絕對是下一集的焦點所在。

相關閱讀：俞可程戰鬥格迎戰 10日瘦12吋成Oscar求愛目標