亨利拆局│練馬師王吼羅富全

更新時間：02:00 2024-09-28 HKT
發佈時間：02:00 2024-09-28 HKT

最近兩次沙田賽事都跑八草二泥，練馬師王分數都低開，前次28分，上次30分，賽果顯示馬房競爭趨向平均緊湊，未有出現一倉獨大。這類情況有辣有唔辣，對馬迷來講好處是容易爆冷，有機會以小博大，但單捧一個馬房難命中，可能要買夠兩三個才有勝算。

今期鄭俊偉出馬八匹最多，但佢上季未嘗封王，數據屬盲門。再數落去，方仔和希斯都各出七匹，不過谷草才是方仔主場，沙田欠把握，反而希斯當旺有可捧之道；其餘出馬六匹者計有沈、伍、偉、賀、巫、韋、容，各有足夠子彈爭分。而我最終決定捧出馬五匹的羅富全，因為既然預期練馬師王開低分數，那就不必太講究出馬數量，最緊要是搏殺夠準，今次全哥多駒都有冠軍相，希望連場攞12分！

重心馬方面，「天天同樂」上季三出三捷，季尾初上三班跑千二反而贏得最勁，證明路程合適與不斷進步，主動型馬配潘頓，只要正常發揮應可跨季再捷。

目標：羅富全

賠率：4.25

全日惡馬第七場：天天同樂

練馬師王最佳投注時機：第六場前

↓立即下載星島頭條App↓