亨利拆局│練馬師王吼羅富全

更新時間：02:00 2023-05-31 HKT
發佈時間：02:00 2023-05-31 HKT

留意練馬師王成績表，有助得知各個馬房的場地出擊模式。正如剛周日沈集成和方嘉柏都陣容似樣，不過兩倉攻勢偏向谷草為主，甚至方仔在沙田未嘗封王，最終二人成績平平，而練馬師王又開出蔡約翰，唔到你唔服！不過，今次筆者想試試敲盲門，羅富全季內八次封王俱在沙田，谷草從未威過，但見佢近兩次谷戰都連場有攻勢，冷門即管博一博。

第九場「知足常樂」上仗隔約三周大幅縮程六百，能否應付固然存疑。不過今仗首次踏足谷草，得新鮮感幫助會有助縮程，再者千八已確認是最佳出路，前仗造快步速放頭都得亞軍，轉戰窄場可賺級數，贏面極大。

第四場「萬眾力得」上季由季中開始拼至季尾，期間並無離港，結果成績持續向好。今季頻上從化即換來反效果，出賽十次皆三甲不入，今次賽前留港備戰，可視作利好訊號。第五場「緣途有您」上仗直路移出外疊賺跑綫，不過四疊轉彎實在太蝕，今次排一檔有欄可據，有力提升名次。

第七場「英雄豪邁」上仗直路走內疊跟馬尾，可給予機會。第八場「忠誠駒」擅長均速前置跑法，配潘頓如魚得水。

目標：羅富全

賠率：6.0

立即下載 | 全新《星島頭條》APP : https://bit.ly/3yLrgYZ