亨利拆局│練馬師王吼沈集成

更新時間：02:00 2023-03-19 HKT
發佈時間：02:00 2023-03-19 HKT

今日除了戲肉打吡大賽，同時上演女皇銀禧紀念杯，兩項高獎金賽事孖住舉行，重要日子又是時候吼實幾個大倉。事實上，回顧上季打吡當日，十場頭馬分別由蔡約翰、沈集成、姚本輝、告東尼、羅富全和呂健威包辦，當中以神仙蔡中三元最威，成哥和輝哥亦各自起孖，中下馬房無啖好食，估計今年的賽果亦大致如此，所以練馬師王我屬意捧沈集成。

第四場「金鼓齊昇」前仗跑田草千四雖只得殿軍，而且落後三身位亦對大局無威脅，然而首度增程有此成績，加上事後證實314場次屬超級強組，對其演出必須調升評價。至於上仗再戰千四飲恨頭馬，可歸咎排外檔改為留前鬥後，跑法未必合適，今次抽五檔有力打開勝利之門。

第一場「妙玲瓏」近兩仗在降班邊緣增程而戰，可視作部署加快減分兼收省馬之效，今仗縮程兼對手實在水皮，幾十倍可博冷腳。第五場「維港智能」上仗在直路尚未打鞭已彈開對手，初上二班也不敢睇小。第六場「合夥精英」跑來跑去仍是處女馬，勝在二千路有專長，無信心博W亦要拖住。第九場「旺旺神駒」上仗敗因有目共睹，今次起步正常就有權補中。

目標：沈集成

賠率：5.0

立即下載 | 全新《星島頭條》APP : https://bit.ly/3yLrgYZ