勇眼光態在勇境
更新時間:03:00 2023-03-25
發佈時間:03:00 2023-03-25

大部分明日參戰馬匹已在周四出跳,故此昨朝進行試跑的馬不多,勇馬自然亦較少。現將所見報道如下:
「日日型」戴頭罩由助手跳兩段,按住順走好放鬆神生步爽,馬身收得好壯毛色又靚,新勝猶勇,充滿氣勢。 
  「競駿天下」戴眼罩及頭罩由何澤堯跳一段,急口馬跳得慢當然不太規矩,不過比起過往已定好多,出腳亦夠利落流暢,狀態唔錯。 
  「凱旋時光」助手跳兩段,戴頭罩及鼻箍,外觀已做得唔錯,馬身收得結實呈現綫條美,可是試來有啲急口,而且馬頭岳得高。 
  「烈火駿馬」戴眼罩由助手跳兩段,戴了眼罩更加肯走,火力充足渾身是勁,馬身收得壯而結實,狀態弗到不得了。 
  「喜勝威龍」希威森跳一段,戴頭罩及面箍,緊韁扣實無轉腳,然而神態極佳亦夠淡定,馬身唔再肥,狀態在不斷進步中。 
  「勇眼光」戴頭罩由助手跳一段,輕鬆完成整個過程,大馬落腳輕快彈力夠,神態軒昂,狀態正值勇境。 
  「二話不說」戴頭罩由助手跳兩段,向來有點汗濕不是問題,走勢硬淨火力充足,薄身馬有肌肉唔覺瘦,近況好對辦。 
  「鑽飾璀璨」助手跳兩段,大大隻的灰馬,跳來仍帶點論盡且極之重身,回程時又郁身郁勢,慢熱馬進度緩慢。
  「領航聖心」戴頭罩由助手跳兩段,試來仲係步緊緊,肌肉亦好崩緊,款頭唔錯但未夠熟,有待磨練。 
  「皇帝金」戴頭罩由潘明輝跳一段,一貫重口緊韁抽實,出腳力度唔差步伐穩健,馬身收得壯而結實,狀態理想。 
  「天外驚天」戴頭罩由嘉里跳兩段,試來從容不逼,走過展現朝氣,出腳勁力明顯增強,毛色唔再淡,狀態轉好之中。 
  「大紅心」助手跳兩段,暢順走過而已,唔夠火唔夠勢,神色好淡非最佳時。 
  「金像非凡」戴眼罩及頭罩由霍宏聲跳兩段,一貫唔急唔搶好淡定,馬身保持結實,維持近戰水準。 
  「駟跑得」戴頭罩由潘明輝跳一段,落腳輕巧且衝刺凌厲,神態回旺有番啖火,觀感不遜贏馬時候。