兒童節│黃梓樂星光背後的開心年少日常：最想幫人、人哋開心我就滿足
發佈時間：11:46 2024-04-04
兒童節︳早於電視劇《季前賽》與姜濤對戲而開始受注目，及至電影《年少日記》連番入圍各地電影展獲提名，令黃梓樂（Sean）成為深入大眾的童星，光影背後，今年11歲的Sean同時是一位五年級學生，跟本地莘莘學子沒兩樣 —— 都要應付呈分試。
返學還返學
對於學業，Sean也上心，而媽媽和他統一口徑，沒透露就讀哪間小學，連升中計劃也三緘其口，只因「拍戲還拍戲，返學還返學」。不過，Sean的學業成績一向出眾，曾透露「科科都90分」，相信大家都好想知Sean的讀書心得。「都冇咩特別啊！要專心上堂、抄好筆記，如果要响片場做功課就會戴headphone，咁樣就會好專注；至今參與嘅劇組都好好，會等到真正埋位至叫我，甚至留間房畀我做功課。」懂得在片場專心做功課，已經好不簡單呀！
與梓樂快問快答：
1.可否介紹一下手上這本書？
呢本昆蟲書係《年少日記》導演卓亦謙去日本參與「東京國際電影節」時買嘅，因為卓卓導演知道我好鍾意昆蟲！
2.你覺得自己開心嗎？
開心呀！身邊好多人同屋企人都錫我，又有朋友。
3.你覺得最理想的一天應怎樣過？
幫人（幫人？）係呀，因為幫咗人，人哋開心我就會開心滿足，可以响世界上做一件好事喎！仲有去食好嘢、睇戲，舒舒服服咁就最理想。
4.最令你唔開心的事是甚麼？
寵物變色龍走咗……即係死咗啊！
5.你最好的朋友是誰？
可唔可以唔止一個？因為我係有一班好friend嘅朋友！每一個小息、大息我哋都會一齊傾偈，就算傾到冇嘢好傾、好悶好悶，我哋都會走埋一齊，如果唔開心，佢哋又會安慰我，佢哋係Harry、Rafael、Byron、Austin和Harrison。
6.長大後想做甚麼？
雖然成日話大個想做演員，其實我都好想做獸醫，因為可以幫到小動物。
文：劉佩樺
圖：鄭慧盈
相關文章︳中年好聲音2安雅希母女相處如朋友 「孩子是家長內心的反照」︳星級教養
相關文章︳婚後事︳教孩子禮貌行善以身作則 黎諾懿從小被逼迫 ：想兒子走不一樣的路︳星級教養
相關文章︳相處靠吸引力法則被封「最強繼母」楊卓娜：「足夠的愛可以包容一切」︳星級教養
