查小欣 - 國金軒鬼馬晚餐 | 查乜料
更新時間:02:00 2026-11-20 HKT
發佈時間:02:00 2026-11-20 HKT
發佈時間:02:00 2026-11-20 HKT
尖沙咀國金軒 The Mira新任行政總廚劉思佑,粵菜經驗豐富,講究刀工、火候及慢炆細燉,擅長創新以假亂真,玩味十足。
頭盤五款小食中的海參已盡顯他的心思,原來並非真海參,而是用豬皮做的啫喱雕成遼參形狀,手工菜,為晚飯帶來第一個驚喜,最重要係好食。
好玩陸續有來,湯品以精湛刀工雕琢豆腐成精緻錦鯉及蓮花,栩栩如生,再傾入翠綠菠菜雞湯鮮拆花蟹肉羹,打造詩意池景畫面,視覺之美,幾乎唔捨得食。
鴛鴦吉品鮑魚,真係估佢唔到,何謂鴛鴦鮑魚?一隻是精選20頭南非吉品鮑魚,另一隻是用柚皮巧手製成鮑魚形狀,不放入口中,難分真假,真鮑魚炆煮至軟腍,法國柚皮鮑魚的清逸襯托鮑魚濃郁鮮味,絕配。
隨即上枱是竹筒荷香烤和牛,炭黑竹筒放在迷迭香上,經理在桌前淋上火焰,注入草本香氣,各人手執小錘敲開竹筒,露出竹筒密封焗製以荷葉包裹的澳洲M7和牛,肉香四溢,和牛口感軟嫩。
甜品記得點手切A5和牛卷,紅色士多啤梨加奶白椰汁,逼真如油花紋理細緻的生和牛卷,醬油及芥末實為日本黑糖蜜與牛油果蓉。
這時竟奉上「魚蛋腸粉」,原來都係甜品,魚蛋其實係拔絲蘋果,外脆內軟,甜絲絲,腸粉係椰汁糕化身。
好鬼馬的晚餐!
查小欣

甜品記得點手切A5和牛卷。
最Hit
八達通換卡|再有3組編號舊卡到期 用戶轉移手機八達通即享$150著數
2026-11-18 15:03 HKT
行山愛好者競投石屋 出價100萬惜落空 不愛「石屎森林」 嘆有錢未必買到好環境
2026-11-18 16:55 HKT

















