KellyChu - 港樂星夜交響曲迴盪中環海濱羅淑佩撐場讚Star Wars掀共鳴 | Executive日記

更新時間：02:00 2026-11-16 HKT
發佈時間：02:00 2026-11-16 HKT

港樂年度戶外音樂盛會「港樂．星夜．交響曲」，每年都係本港樂迷翹首以待嘅節目。今年活動因天氣因素延後一晚舉行，但仍無阻廣大樂迷熱情參與，星空下嘅中環海濱活動空間坐滿觀眾。文化體育及旅遊局局長羅淑佩亦現身出席，形容會場「插針唔落」，十分熱鬧，維港夜景加上港樂嘅精彩演出，仲可以席地享受野餐樂趣，絕對係年度盛事！

　　太古「港樂•星夜•交響曲」音樂會原定上周五晚上7時30分於中環海濱舉行，因天文台當天預測晚間將有驟雨及狂風雷暴，大會宣布延至周六晚上同一時間舉行。羅淑佩當晚與太古集團公共事務董事林珩、資深大律師譚允芝、文體局常任秘書長沈鳳君等一同到場觀看。她昨日在社交平台發文提到，如果大家同佢一樣經歷過兩年前嘅「落湯雞」境況，都會支持今年改期決定。

　　羅淑佩說，港樂嘅演出非常成功，大家對音樂總監貝托祺、HK Phil和香港年輕鋼琴家沈靖韜充滿期待。今年嘅曲目亦都輕鬆熟悉，佢話：「Tarmo和Aristo四手加上HK Phil幾位首席帶領的聖桑動物嘉年華，以及Tarmo以light saber指揮的Star Wars Suite都令大小樂迷產生無限共鳴，最後在1812 Overture和煙火興奮完場，開心不已！」

KellyChu