KellyChu - 沙頭角禁區渡海泳錦標賽鄧炳強返「老家」撐場 | Executive日記

更新時間：02:00 2026-11-09 HKT
發佈時間：02:00 2026-11-09 HKT

　　昨日沙頭角禁區舉行第二屆「新界區際渡海泳錦標賽暨公開賽」，連狗狗都可以參加。保安局局長鄧炳強擔任活動主禮嘉賓，話又返到沙頭角「老家」，有熟悉嘅街坊、地道美食，加埋沙頭角海，非常有親切感。亦好開心見到警隊同公務員團隊落水參賽，「梗係要為同事加加油。」

　　鄧炳強指出，早上天氣微涼，相信一眾泳手落水作賽時定必格外醒神。今屆賽事特別首創「主人愛狗暢泳組」，讓狗主攜同愛犬齊齊落水暢泳。他笑言，人狗同游與團隊賽事一樣，非常考驗彼此嘅「團隊精神」，更表示期望日後可以游到深圳。

　　嘉賓鳴笛後，約600名選手齊齊跳入水。游2公里嘅健兒，由沙頭角碼頭出發，到谷埔碼頭折返，回到沙頭角碼頭上岸；參加400米嘅健兒就只需在對開海域游一圈。參賽者之一嘅陳小朋友說：「禁區我第一次來，因為它比泳池更廣闊，所以我一生人也記得。」

　　隨着沙頭角逐步開放，當區已成為市民假日好去處。鄧炳強形容，沙頭角「游」人如鯽，既有美麗海景與地道美食，亦充滿濃厚人情味。

KellyChu

↓追蹤《星島頭條》WhatsApp頻道↓