KellyChu - 《起筷》新一期優惠券美心皇宮晚市滿$250減$50 | Executive日記

更新時間：02:00 2026-11-06 HKT
發佈時間：02:00 2026-11-06 HKT

睇星期六《頭條日報》全新飲食及生活特輯《起筷》，繼續有美食好禮送不停！上星期《起筷》請大家飲永年士多嘅特色絲襪樽仔奶茶，聽日新一期將為大家帶來美心皇宮專屬中菜優惠。於本月7日至13日期間，凡於美心皇宮惠顧晚市堂食主餐牌，出示《起筷》優惠券，消費滿$250即享減$50優惠（高達8折優惠）！美心皇宮晚市匯聚惹味廣東小菜、精緻海鮮及多款豐盛套餐，絕對係一家人聚餐嘅不二之選。

　　好似Kelly一樣咁嘴挑嘅朋友仔，必睇今期封面故事——記者採訪灣仔會展「中庭」名廚伍寶明師傅自創神秘「菜譜外篇」。師傅結合傳統工藝與創意食譜，將平民狗仔粉華麗升級成矜貴東星斑魚麵，全手工製作，味道鮮甜甘美，據聞只有識食熟客預訂先食得到，但今年將有期間限定推出！店家更同場加映三款廚師推介菜式以享饕客。

　　名人欄目〈一味情深〉則專訪唱作歌手湯令山（Gareth.T），佢不但自爆一段關於士多啤梨嘅青春往事，仲話自己有認真諗過開間餐廳。湯令山構思中嘅餐廳亦同佢啲歌一樣咁有性格同風格，只賣「三道菜」，其中必以黑椒薯仔牛柳粒做招牌菜。

　　想瀏覽更多完整故事與細節嘅讀者，聽日記得免費取閱《起筷》，又或者瀏覽線上揭頁版閱覽足本內容。關注《頭條日報》社交媒體專頁（Facebook及Instagram）每周都有着數消息發佈，歡迎大家追蹤訂閱，留意更新！

KellyChu