Cally - 終於搵到真•睇戲神卡！全個星期日日有優惠 | 商界講呢啲

更新時間：02:00 2026-11-04 HKT
發佈時間：02:00 2026-11-04 HKT

　　平時想去睇場戲放鬆吓，成日見到啲信用卡有戲院優惠，點知撳入去睇真啲——有啲得一兩間院線用得，一係就熱門時段全部唔用得，甚至名額少到秒殺……次次都好似玩緊遊戲咁，真係幾掃興！不過Cally最近親身試咗個真係幾抵嘅睇戲優惠，完全係「神卡」等級，用一張飛嘅價錢就可以約埋朋友兩個人入場，咁着數緊係要同大家介紹吓。只要用滙豐Visa Signature卡喺香港全線英皇戲院（無論係上網、App、票房定自助機都得），用Apple Pay、手機支付或感應式付款買星期一至四嘅正價2D戲飛，即刻有「買一送一」！如果睇3D嘅話都有9折。

　　最讚嘅係，連星期五、六、日呢啲熱門日子，買正價2D飛都有8折，即係一星期7日隨時想睇都有得減，唔使再專登算嚟算去邊日去先有優惠。仲有，星期一至四去小食部買細爆谷，同樣都有買一送一添，睇戲配爆谷真係絕配！

　　Cally上個星期就去試咗呢個優惠，同朋友去睇《生化危機》。我自己開英皇戲院App直接買，因為係CINEMER會員，網上買飛已經免咗手續費，再配埋滙豐Visa Signature卡俾錢，最後真係只係用一張飛嘅價錢就兩個人開開心心睇完一場！性價比真係超級高，大家得閒都不妨去試吓！