Cally - 睇戲原來可以咁舒服專屬私人影院 12人即可包場 | 商界講呢啲

更新時間：02:00 2026-10-28 HKT
發佈時間：02:00 2026-10-28 HKT

　　最近有朋友同我傾開，話想幫另一半搞個有心思嘅驚喜。佢原本考慮過包場睇戲，但又怕一般戲院嘅人數要求太高，加上餐飲安排好麻煩，所以一直都諗唔到合適嘅地方。呢個時候，我就諗起之前去英皇戲院貴賓影院the CORONET嘅包場體驗，只係三千幾蚊就可以包個十幾人嘅場，又飲又食又睇戲，真心覺得非常值得同大家分享！

　　一入到去，最大感受係私隱度極高。全院只有十幾個雙人或獨立座位，每個位都可以「斜躺」睇戲，仲貼心備有閱讀燈、充電位、收納空間、軟墊及披肩，感覺好似喺屋企客廳咁舒服自在，又同時擁有頂級嘅影院級視聽享受。除咗坐得舒服，包場安排亦比想像中靈活得多，最少只需要12人即可，好容易就湊夠人數。當日仲有專人團隊在場貼心跟進，由放片時間、燈光音響調校到整體流程都照顧周到，工作人員亦好友善，能隨時解答疑問同提供協助。無論係想搞 Fans Meeting、求婚驚喜、周年紀念，定係公司團建、閨蜜聚會都非常啱用。

　　此外，包場餐飲完全唔使煩，預訂時可以配合多元化嘅餐飲套餐，有唔同包場套餐，可因應需求而選擇適合嘅食物種類，例如有生日套餐、兒童餐等等選擇；只要提前預購餐飲，去到就唔使現場排隊，仲有送餐服務直接送到大家面前；如果有需要仲可以喺睇戲前先開PARTY，食飽玩飽先再睇戲。只需提前預約觀影時間確保場地空位，就能輕鬆搞掂一切。如果你都想搵個有獨立空間、設備齊全又坐得超級舒服嘅地方，同親朋好友搞個要播片嘅私人派對，呢個包場服務真心係一流嘅選擇！