KellyChu - 《頭條日報》周六《起筷》「一味情深」姜濤回憶童年味道與父分吃一碗杯麵 | Executive日記

更新時間：02:00 2026-10-26 HKT
發佈時間：02:00 2026-10-26 HKT

本月17日首次發行嘅《頭條日報》Saturday全新飲食和生活特刊《起筷》，主打美食資訊，印刷精美，讀者都話睇到流晒口水，想即刻去食嘢起筷！《起筷》每期除咗精選封面故事，仲有一個名人專欄《一味情深》，繼第一期訪問咗文體旅局局長羅淑佩，第二期迎來人氣男子組合MIRROR成員姜濤，分享佢嘅童年嘅味道回憶。

　　姜濤接受《起筷》訪問表示，自己最難忘嘅食物係杯麵同埋漢堡包，因為小時候家境不好，朝早食個杯麵，自己食麵，爸爸就飲湯，強調真人真事。「嗰陣屋企家境唔好，所以一向都係一碗杯麵兩個人咁樣去食」他說。他亦憶述以前同屋企人喺快餐店用餐嘅經歷，記得自己一向進食慢過父親，但第一次買漢堡包時，竟然吃得比父親快。

　　姜濤坦言，最愛家中打邊爐，他笑言出外訂房有啲貴，而且喺屋企打邊爐不用準備太多，買現成食材即可，簡單方便，「喺屋企又可以邊食邊煲劇，食完個湯底擺喺度，第二朝早可以繼續食。」他亦透露自己最喜歡麻辣湯底、鴨血、豆腐和羊肉。

　　第二期《起筷》為大家推薦嚟緊星期四起舉行嘅美酒佳餚巡禮必吃美食，與讀者分甘同味。未來，《頭條日報》逢星期六出版嘅全新飲食和生活特刊《起筷》，亦會繼續網羅全城最新最潮美食情報，同時精選各大玩樂好去處、消費購物指南、醫學美容與保健資訊，以及娛樂圈動態，為大家規劃豐富周末行程。

　　歡迎廣大讀者瀏覽頭條日報揭頁版網站或使用頭條揭頁版App，重溫《起筷》精彩內容！

KellyChu