KellyChu - 免費玩新興運動現埸睇UCI公路賽西九明辦單車節嘉年華由朝玩到晚 | Executive日記

更新時間：02:00 2026-10-10 HKT
發佈時間：02:00 2026-10-10 HKT

　　大家周末plan好去邊未？Kelly知道旅發局聽日會喺西九文化區舉辦「單車節嘉年華」，市民可以免費入場體驗匹克球（Pickleball）、板式網球（Paddleball）、台克球（Teqball）等新興運動體驗，仲有兒童單車試玩、面部彩繪及扭氣球等親子活動，玩到肚餓又可以去場內嘅美食角歎款特色小食及飲品，享受一個充滿活力嘅輕鬆周末時光。記得睇埋西九絕美日落先返屋企！

　　「單車節嘉年華」主舞台節目亦係由朝到晚精彩不斷。早上「Sunrise Chill 悠然晨活」時段主打輕鬆氛圍，無伴奏合唱團隊及本地歌手接力演出，並有花式單車示範等單車主題節目，現場更會直播UCI賽事，讓觀眾一邊欣賞表演，一邊感受國際單車盛事氣氛。下午嘅「Sunset Groove 躍動狂歡」時段，現場不同時段會有跳繩、霹靂舞、肚皮舞及藝術體操等節目上演，帶動全場釋放活力。

　　舞台下設有多個互動體驗區，讓大家可以免費試玩Pickleball等新興運動，更特設網球九宮格挑戰，供入場人士一試身手！親子家庭亦有不少選擇，包括高飛兒童單車試玩、即興塗鴉、扭氣球及面部彩繪等活動，加上場內打卡裝置，無論玩樂定打卡都滿載而歸！玩足一日當然要有美食加持，場內美食角提供多款特色小食及飲品，包括蝴蝶酥、蛋糕卷、曲奇及雪糕等，讓大家隨時補充能量。

　　西九文化區管理局亦將推出適用於活動當日嘅香港單車節特別套票，套票涵蓋一張M+或香港故宮文化博物館門票及一張西九渡輪免費單程船票，鼓勵訪客欣賞維港景色並參觀精彩展覽。

KellyChu