左起：甯漢豪、謝小華、羅淑佩、何永賢、楊何蓓茵、李林麗嬋、葉文娟、蔡若蓮、陳美寶及麥美娟，身穿「新中式時裝」合照。

KellyChu - 特首夫人與女高官齊穿「新中裝」理大團隊引AI度身設計展美態 | Executive日記

更新時間：02:00 2026-10-03 HKT
發佈時間：02:00 2026-10-03 HKT

　　十一國慶日，特首李家超夫人李林麗嬋同8位女局長及特首辦主任葉文娟，齊齊換上「新中式時裝」，亮相升旗儀式同酒會。原來，理工大學時裝及紡織學院再度獲邀，為10位女士量身打造專屬華服，糅合中華美學同創意科技，各具特色！

　　呢套時裝設計融合傳統斜襟、中式立領同盤扣等經典元素，剪裁採用現代風格，仲破格引入AI輔助分析各人着衫風格、色彩喜好同造型特點等，調整設計方案，認真特別！李林麗嬋、葉文娟、文體旅局局長羅淑佩、房屋局局長何永賢、民青局局長麥美娟、運物局局長陳美寶、發展局局長甯漢豪、公務員事務局局長楊何蓓茵、教育局局長蔡若蓮、政制局局長謝小華，齊齊穿上呢套優美典雅嘅「新中式時裝」，合照留念。

　　蔡若蓮話，欣賞同學喺設計中巧妙應用AI，期望同學繼續發揮才華。何永賢就話，昨日一身造型獲得唔少讚賞，可見本地設計大有可為。甯漢豪話AI只係輔助，最重要係人嘅智慧同心思，設計作品先有溫度。

KellyChu