KellyChu - 亞運多個項目報捷網球男單奪歷史首牌港隊單日擸5獎牌 | Executive日記

更新時間：02:00 2026-10-02 HKT
發佈時間：02:00 2026-10-02 HKT

名古屋亞運進入倒數階段，港隊昨日表現神勇，帆船、場地單車、壁球等齊齊報喜，掃走至少3銀2銅。而喜訊一定陸續有來，因為壁球女子港隊在團體賽4強以場數2:1淘汰印度，打入決賽，今日坐銀望金。另外，香港網球「一哥」黃澤林，喺男單直落2盤擊敗泰國選手，穩奪獎牌，更成為香港歷來首位在亞運網球單打項目收穫獎牌的球手。文體旅局局長羅淑佩就話，港隊喺國慶日捷報頻傳，特別應節。

　　場地單車傳捷報，「小女車神」李思穎夥拍今屆公路賽銅牌得主梁穎儀，出戰女子麥迪遜賽，港隊以2分之微險勝國家隊，不敵日本隊摘銀。梁穎儀以1銀1銅完成今屆亞運，但佢賽後落淚，自責表現唔好，拖累咗隊友，坦言希望汲取教訓，爭取2028洛杉磯奧運入場嘅參賽資格。男將朱浚瑋亦不負眾望，喺男子全能賽奪得銀牌，個人今屆累積2面獎牌。

　　帆船雙人49人級項目同樣有驚喜，女子組麥曉彤與普珺麗經過9場賽事後奪銀。男子組就由阿輝與祥傑力壓南韓隊摘銅，一日擸走2面獎牌。另外，壁球男團港隊在4強不敗巴基斯坦，但亦收穫銅牌。

KellyChu