KellyChu - 迎月晚會設巨型月兔打卡聖愛德華天主教小學中秋氣氛濃 | Executive日記

更新時間：02:00 2026-09-12 HKT
發佈時間：02:00 2026-09-12 HKT

　　中秋節將至，聖愛德華天主教小學近日就被網民大讚「可能係藍田區最有中秋節氣氛的小學」，帖文附上晚間小學外牆掛滿燈籠嘅璀璨美景，仲見到幾隻充氣大兔仔出沒喺建築範圍內，好有童趣。該網民更留言話：「如果間間小學嘅校長都咁Open-mind，我覺得小朋友一定會鍾意返學！」。帖文獲6千多名網民「畀心」，有網民大讚「充滿愛的學校」，更指「呢間學校每逢大節日都有好多應節裝飾，滿滿節日氣氛，呢啲校長及教師咪有heart囉！」

　　學校昨晚更舉辦「迎月在藍天」中秋晚會，幼稚園家長及小朋友、該校一年級學生及家長都係參加對象。活動特別歡迎大家穿着華服或漢服、攜帶燈籠一起到場。現場還設有懷舊雪糕車、甜蜜蜜棉花糖及歡樂爆谷等滋味小食，亦提供深受小朋友喜愛的兒童足球、兒童彈床、攤位遊戲、電子飛鏢等玩樂設施；並安排咗歡樂小丑表演、小丑遊走氣球樂、AI魔鏡體驗、Face Painting面部彩繪、即影即有相片服務、經典猜燈謎及刺激中秋大抽獎，內容相當豐富，Kelly齋聽都覺得歡樂！

KellyChu