KellyChu - 《我要做主播》首播掀熱話方健儀掀民間讀稿挑戰 | Executive日記

更新時間：02:00 2026-09-05 HKT
發佈時間：02:00 2026-09-05 HKT

　　Kelly在社交平台留意到，曾任新聞主播嘅方健儀流利順暢兼字正腔圓讀出一段新聞稿，令人聽得好舒服，網友亦紛紛大讚專業。該貼文仲邀請民間高手一齊挑戰讀稿，原來係方健儀有份主持嘅HOY節目《我要做主播》上個星期首播，海選期間要考驗參賽者是否口齒伶俐，方健儀則示範讀一篇難度很高嘅模擬新聞稿，並與HOY在Threads邀請網民參與「讀稿挑戰」，反應非常踴躍，當中不乏知名人士自行拍片參與，連外籍人士都以廣東話讀稿。

　　方健儀指出，字正腔圓係做主播嘅基本條件，最重要還是肯踏出第一步努力嘗試，又說參賽者中不乏有名氣嘅自媒體創作者，然而在追求流量嘅時代，佢哋日常思考往往圍繞着「點樣拍片先會爆？」、「點樣起標題先吸Like？」，在節目特訓後，有YouTuber參賽者說有所領略，並認真思考自己每一段影片、每一句說話，背後到底帶着怎樣的社會訊息，「這種從求Like到求社會責任嘅轉變，就係新聞教育中最珍貴嘅價值。」

KellyChu