香港迪士尼樂園度假區餐飲總監黃慶龍（中）與團隊在晶荷軒舉行年度美食巡禮，在香港迪士尼樂園酒店翻新前留下倩影。

KellyChu - 阿Jack大餐強勢回歸港迪士尼萬聖節及聖誕節美食有驚喜 | Executive日記

更新時間：02:00 2026-09-05 HKT
發佈時間：02:00 2026-09-05 HKT

　　香港迪士尼樂園一年一度美食巡禮介紹嚟緊萬聖節及聖誕節美食新驚喜，樂園今年新增多款精美節日造型菜式，其中藝彩廚月中開始會供應嘅萬聖節自助餐精選好吸睛，「麻婆豆腐腦」大大粒詭趣腦袋未食先搶眼球，打卡必須有佢份；「黑魔翼」將雞翼裹上黑色醬汁再撒金粉，暗黑風格好有魅力！而河景餐廳連續第5年推出嘅「阿Jack怪誕大餐」去年熱賣超過七千套，結合Jack、莎莉同Oogie Boogie在餐廳舞台亮相表演，絕對係香港迪士尼樂園先有嘅萬聖節限定。

　　聖誕節美食造型則一如以往精美、夢幻，芊彩餐廳嘅聖誕燒烤自助晚餐供應烤肉盛宴，雞腿、五花腩、紐倫堡香腸、羊架、牛肩肉、牛腹肉，定讓各位大快朵頤！仲有超靚巴西芝士麻糬波波聖誕樹，可以同親友拆住食，分享美味。藝彩廚喜慶自助午／晚餐亦有聖誕壽司樹，多款西式凍海鮮，以及超精緻炸杏片蝦球，夢幻迷人。香港迪士尼樂園嘅主廚真係花咗好多心思去將美食融入節日元素，打造出既美麗又美味嘅應節佳餚，讓Kelly再次體會到迪士尼施展魔法嘅本領。

　　餐飲總監黃慶龍話：「要滿足賓客不斷轉變的喜好及需要，香港迪士尼的餐飲團隊透過三大策略不斷創新，包括善用迪士尼故事及角色IP創作獨特美食、打造具互動性的沉浸式餐飲體驗，以及持續推陳出新，為賓客帶來新鮮感。我們希望透過這些獨特而難忘的餐飲體驗，進一步吸引更多本地及海外賓客到訪香港迪士尼，讓美食成為賓客旅程中不可或缺的一部分。」

　　此外，香港迪士尼樂園酒店將於今年10月12日起暫時關閉，以進行全面升級工程。翻新後嘅樂園酒店將融合沉浸式故事體驗、創新設計及更優質服務，包括將增加主題房間數量，希望為旅客帶來耳目一新嘅住宿體驗。

KellyChu