新手媽媽大讚荃灣港安醫院坐月服務性價比高 24小時護士照顧：「完全到完全唔捨得走！」
發佈時間：12:19 2026-09-18 HKT
特首李家超宣布兩萬元「生育獎勵金」將會延期2年，如生第二個小朋友更會加碼至三萬元。有「生育獎勵金」支援當然好，但對於剛剛生產的新手媽媽來說，生產後的全方位照顧更為實際貼心，所以不少產婦都會聘請陪月員或選用陪月服務。以往生BB後產婦需出院「轉陣」移師到月子中心，但原來荃灣港安醫院有提供坐月服務，還大讚醫院於這3方面都非常出色，更指「完全到完全唔捨得走！」帖文一出即引起媽媽們的附和，究竟荃灣港安醫院坐月服務有何吸引力？
港媽大讚荃灣港安醫院坐月服務：第二胎都一定會嚟返呢度！
每個媽媽都是偉大的，歷經懷胎10月的辛勞、引產的十級痛楚、照顧新生嬰兒的棉乾絮濕，種種辛酸都有苦自己知。如有四大長老照顧當然最好，但不少媽媽都會選擇聘請陪月員或選用陪月服務。近日就有剛剛生產完BB的媽媽於Threads上分享帖子，大讚荃灣港安醫院坐月服務。「啱啱生完bb， 好想同大家分享荃灣港安醫院坐月服務，因為當初做research既時候見到冇咩人介紹都有啲驚，但喺度住咗一個月，完全覺得被underrated，所以好想介紹俾大家等多啲人認識，因為新手媽媽真係好多嘢都唔識 （我知返深圳坐月又平又好服務，但深圳完全唔會係我考慮嘅範圍）。」
點擊圖片瀏覽荃灣港安醫院坐月服務詳情：
港媽更圖文並茂大讚荃灣港安醫院坐月服務3大方面。「我諗大家最concern都係個價錢 ，呢度有分7日、14日同30日，價錢如圖（7日 $43,300、14日 $78,700、30日 $165,300），我自己就揀咗30日，始終唔想坐到一半又專登返屋企，雖然價錢唔係話好平，但係見到香港其他月子中心（酒店房） 都要30萬以上，相比之下呢度性價比算高。」
全程「24小時比護士姑娘照顧」的貼心服務亦是媽媽高度讚揚的原因。「因為係第一胎，咩經驗都冇，連抱bb都唔識，頭幾日傷口仲痛緊嘅時候，bb就比姑娘餵奶換片沖涼，我就可以好好休息，同埋喺醫院坐月touch wood bb有咩事，都可以即刻處理到，請個24小時陪月都要幾萬蚊，我自己就驚陪月唔夠瞓會好攰，醫院始終有唔同姑娘睇住，有成個團隊back up感覺實在好好多最記得有一次餵咗一個鐘bb都未食完支奶，餵到覺得好攰，即刻叫姑娘幫手接力，然後我就可以繼續好好休息。」
至於媽媽們最關心的其中一項 — 膳食亦相當出色。「呢度一日有四餐，早餐喺醫院提供（素食），下午茶係一個糖水，午餐同晚餐就兩餸一湯（冇豬冇牛），主要係食雞同魚。我自己就覺得幾好食，開頭以為會食厭，但係餐餐都有少少唔同，所以都唔會厭，當然如果有埋豬牛會更好。」
整體來說，媽媽以「住到完全唔捨得走」來總結。「喺呢度住咗一個月，覺得環境好好，好似去咗一個月staycation，間房好大好靚，姑娘好親切又會勁關心媽媽，對bb都好有耐性，我都忍唔住寫咗張心意卡比我最鍾意嗰個護士，同埋就快中秋節都送左啲月餅曲奇比姑娘護士。」媽媽更指如果生第二胎，更「一定會嚟返呢度！」
帖子一出，不如網民都表示認同：「港安生嘅媽媽在此，真係好正；裝修靚、姑娘好、仲有月子中心，全港唯一。」、「幾好喎個價錢，請個24小時陪月都8萬啦，呢度仲要真係有醫生護士，真係唔錯喎」、「一年前我都有喺度生bb+坐月，都係坐足30日。而家諗返轉頭真係好值得」、「新鮮熱辣岩岩生完，仲係港安訓緊既媽媽表示，港安真係好舒服」，似乎各位新手媽媽對醫院的評價不錯，不知有沒有其他媽媽有經驗分享？或是會繼續選擇聘請陪月員呢？
產後延長住院服務 「一站式24小時醫護團隊」支援
港媽所選用的「陪月服務」，其實是荃灣港安醫院所提供的「產後延長住院服務」，專為希望在產後黃金復原期獲得全方位照顧的媽媽而設。醫院會提供「一站式24小時醫護團隊」支援，由產科及兒科醫生定期巡房與諮詢，評估媽媽傷口復原、子宮收縮狀況及寶寶健康。護士及助產士每日亦會進行乳房檢查、心理評估，並提供免費哺乳技巧指導與疏通乳腺諮詢。另外，產婦可彈性選擇母嬰同室，或將寶寶交由護士24小時全天候照料（包括洗澡、餵奶、黃疸監測等），讓媽媽無後顧之憂地安心休養。
服務亦配備營養師審核的月子餐單（一日四餐），並提供營養師諮詢、產後運動及普拉提課程，協助身心與體態修復。客房設有獨立抽風系統、微波爐、電動泵奶器等完善設備，每日更提供代茶及薑皮，打造如度假般舒適安穩的坐月體驗。
| 產後媽媽及嬰兒入住計劃費用 | 獨家尊享精選價 | |
| 入住7晚 | 不適用 | HK$43,300* |
| 入住14晚 | HK$87,000 | HK$78,700* |
| 入住30晚 | HK$183,200 | HK$165,300* |
*精選價只適用於本院分娩的客人
資料來源：Threads@sweetie_dairy、荃灣港安醫院
