港鐵大嬸扮失平衡批踭 撞完人裝無辜溜走 苦主感激路人挺身作證 網民力數鐵路碰瓷黨惡行|Juicy叮

更新時間:10:48 2026-11-22 HKT
發佈時間:10:48 2026-11-22 HKT

有乘客早前搭港鐵時,懷疑遭一名大嬸扮失平衡大力批踭,對方撞人後笑笑口裝無辜溜走。幸得一名正義女路人表示目擊事件並願意作證,這番暖心舉動令苦主無比感激,亦引來網民力數鐵路碰瓷黨惡行。詳情見下圖及下文:

港鐵大嬸扮失平衡批踭 撞完人裝無辜溜走 苦主感激路人挺身作證 網民力數鐵路碰瓷黨惡行逐張睇↓↓↓↓

暖心女士主動挺身作證

樓主早前(18日)在社交平台Threads發帖,講述在港鐵站被大嬸批踭的過程:

「搭地鐵無啦啦被個阿嬸大力批踭,我忍唔住追上去問佢點解要撞人,點知阿嬸笑笑口扮晒無辜。」

樓主續指,「我好無奈,準備出閘走人,突然有位好心女士從後拍拍我。佢話自己目擊咗成件事,清楚見到阿嬸係有意攻擊我,根本唔係阿嬸所講嘅失平衡,仲主動問我需不需要佢幫手作證。我趕時間,所以搖搖頭,多謝佢。臨走之際佢仲提我:『壞人老了,要好好保護自己。』」

樓主坦言那一刻很想哭,並不是因為見識到惡意可以有幾無理,而是沒想到竟然還有人願意為了一個陌生人停低腳步,花自己的時間挺身而出、打抱不平。

樓主多謝正義女士

事後,樓主在平台上鄭重感謝這位好心人:「多謝你,好心女士。可能你唔知道,你當時嗰幾句說話,對一個對呢個城市漸漸失去希望嘅人嚟講,有幾重要。希望你一生平安快樂,往後遇到嘅人,都同你一樣善良。」

有網民留言感嘆,現時車廂遇到衝突,旁人「多數都係自救,佢好會睇戲而唔係會幫手,呢位小姐好好人」,形容對方主動出聲維護公理非常難得。

樓主也大讚對方「好難得,佢好正義好正氣」,並承諾在心情平復後,會反思旁觀者角色:

「如果掉轉身份,我係旁觀者,我會點做。我會觀察事發經過,拍低過程,必要時舉證,唔俾惡意得逞同滋長。」

網民:要互相守望

網民大讚這是「好人好事」。有網民直言:「近日好多呢啲衰人,唔係心理不平衡就係有病。真。香港人要互相守望,我見到一定幫你當場X爆佢,嗰啲人欺善怕惡。」

亦有苦主分享遇到類似的故意碰撞,指「琴日喺馬鐵都有阿嬸故意唔緊握扶手跌落我度兩次,係故意嘅。我罵佢碰瓷佢好大反應,睇嚟都係故意。」

資料來源:keepmoving_r33@Threads

相關閱讀:

港鐵「背囊黨」繁忙時間頂心杉惹公審 港男爆粗怒轟自私精:「除低幾個站好X難?」

佐敦大叔撞少女「手部動作」掀非禮爭議 網民反應兩極:無心之失定明抽水?

將軍澳「撞人族」橫行 港爸拖女無辜捱撞 街坊爆料多區商場淪陷 變態惡行大曝光「呢招」最陰毒

「手機碰瓷黨」專門針對一類人 跌一跌機身裂晒屈高昂維修費 苦主提4大要點可避無妄之災