Yr2女大生儲10萬歐遊被懷疑「貼仔」!高EQ澄清再更新最終結局 網民驚呼:估唔到|Juicy叮
發佈時間:12:00 2026-11-16 HKT
大學時期擁有一筆小積蓄,到底應該踏實儲蓄,還是趁青春去一趟夢寐以求的長途旅行?今年八月底,一名就讀大學二年級(Year 2)的女生在Threads發帖,分享自己靠儲蓄及投資儲下約十萬元,正苦惱應否花費三萬元與男朋友在聖誕節到歐洲旅遊兩星期。帖文一出隨即引起大批網民熱議,事隔兩個多月,樓主近日再次更新後續宣布作出了最終決定。

樓主掙扎:踏實儲錢定趁後生圓夢?澄清「貼仔」質疑
樓主在八月底發文向網民徵求意見,表示自己作為Year 2大學生,目前現金儲蓄加投資大約有十萬元積蓄。她坦言:「歐洲嘅聖誕節一直都係我嘅夢想,而且我有認知以嚟都冇坐過長途機,好想去吓遠啲嘅地方旅行。」
不過,面對預計約三萬元的旅費,她不禁猶豫:「如果聖誕洗around三萬同男朋友去兩個禮拜歐遊係咪好大嘥?」她亦在帖文中吐露心聲,一直思考「大學生啲錢到底應該踏踏實實儲起佢,定係間唔中去吓旅行都可以」。
面對部分網民好奇三萬元是兩個人還是一個人的預算,以及會否出現「貼仔」的情況,樓主在留言區大方澄清,三萬元是「一個人嘅budget」,並表示與男友早有共識:「錢上面我哋傾好咗係每人出咁多嘅,三萬呢個range係我比自己嘅budget所以應該ok嘅。」

網民一面倒支持出發:「欲買桂花同載酒,終不似,少年遊」
帖文大批網民留言,絕大多數「過來人」均力撐樓主應該趁大學時期出發,不少網民大讚樓主年紀輕輕已有十萬元積蓄,理財能力已經贏過同齡人,認為三萬元在投身社會後只是一兩個月的薪金,但大學時期的長假期與青春心境卻是一去不復返。
有網民感嘆:「當你出黎返工,就會發現缺的不是錢,是假期」、「20歲嘅體驗同30歲嘅體驗不同,又同60歲嘅體驗不同,人大咗就返唔到轉頭」,甚至有網民引用古詩「欲買桂花同載酒,終不似,少年遊」及「富遊窮遊不及少年遊」來鼓勵樓主,更有人搞笑勸道:「個世界唔趁後生去望下,唔通到老勾住個尿袋先去咩?」此外,亦有不少網民從實際角度出發,提醒樓主歐洲許多火車證(Europass)及博物館對25歲以下青年或學生提供半價甚至免費優惠,趁學生時期去反而最划算。
不過,有少數網民亦持保留意見,認為十萬元不應花掉近三分之一,建議「儲起佢,之後錢滾錢先去都可以」,又或者質疑三萬元在聖誕旺季去歐洲兩星期「好抆水」,甚至有人跨張形容:「三萬蚊你講緊歐羅定英鎊?去歐洲兩個禮拜?你諗住瞓街?」

最大隱憂曝光 過來人齊警世:聖誕去歐洲如「死城」
雖然網民幾乎一致贊成樓主去歐遊,但對於「聖誕節正日去歐洲」這個時間點,留言區卻響起一片警世聲音,大量有經驗的網民紛紛勸退,指出歐洲的聖誕節猶如香港的農曆年初一,由12月24日平安夜下午至26日期間,當地人全數回家度歲,絕大部分餐廳、商店、超市甚至景點都會關門休息,公共交通亦會大幅削減班次。
有曾經歷過歐洲聖誕的苦主留言分享:「試過聖誕正日喺london同munich,差啲餓死」、「聖誕節係連supermarket都閂門,真係無野玩」,更有人貼心提醒:「多口提一句帶定發燒止痛退熱所有應急藥,因為唔係度度有得賣,白車醫院都可能會唔做生意」,令樓主急忙回覆:「多謝你提醒,呢樣真係要mark低先!」
針對樓主「主要想感受吓氣氛同埋去Christmas market」的願望,不少熟悉歐洲的網民指出,許多歐洲城市的聖誕市集在11月底至12月初最為熱鬧,部分市集在平安夜前就會結束,建議樓主若想感受氣氛應提早於12月中前出發,並推薦德國、奧地利、捷克及匈牙利等地的市集最有氣氛且消費相對合理。若必須橫跨聖誕正日,網民則建議要提前到超市儲糧、預訂有廚房的住宿自己煮食,或者到倫敦唐人街及中東餐廳覓食。
11月最新後續:扑槌出發玩足18日 公開機票酒店實數
經過兩個多月的深思熟慮與規劃,樓主於11月初再次更新帖文,興奮宣布:「最後係決定咗去嘅!!」她解釋最終下定決心的原因,正如廣大網民所言:「原因係出到嚟做嘢之後尤其係頭幾年搏殺,一定唔會再有時間好似而家咁可以去咁耐旅行,所以真係想趁大學時期去睇多啲呢個世界。」
樓主亦採納了不少網民的路線與應變建議,公開了最終敲定的行程及預算。她們決定先去11日暢遊慕尼黑、維也納及布達佩斯,隨後再接駁多一個星期的英國行程,合共玩足約18日。面對網民最擔心的「聖誕死城斷糧危機」,樓主亦做好準備:「聖誕嗰幾日會留喺維也納,可能會自己煮吓嘢食咁 :) 」
至於網民最關心的三萬元預算是否足夠,樓主大方公開目前的實際開支:「暫時使費係三程機票,每人一萬蚊鬆啲,歐洲10晚酒店每人6000幾,英國住宿我哋自己有安排,所以就唔使俾錢。」換言之,機票連同住宿每人僅花費約一萬六千多元,距離三萬元的預算仍有萬多元空間可供當地飲食、交通及玩樂之用,成功在不超支的情況下實現人生首個長途歐遊夢想。
來源:Threads
延伸閱讀:觀塘6點放工衝7:55飛日本?港媽求方法全網斷言「送機尾」 竟有人曬搭車收據徹底逆轉

















