奶奶幫手湊孫拒收小小心意 新抱自覺「這家用」無佔便宜 網民：倒貼都唔夠 教路「曲線送禮」老人家最開心｜Juicy叮
發佈時間：13:00 2026-11-14 HKT
雙職家庭要奶奶幫手湊孫，奉上「小小心意」卻被拒收。有新抱每月主動給奶奶這「湊孫家用」遭推搪，但仍堅持塞錢，自覺並無佔老人家便宜。
網民冷笑這金額寒酸，直指收下分分鐘要倒貼，更教路用「曲線送禮法」才是最得體、最能讓長輩開心的報答手法。詳情見下圖及下文：
奶奶幫手湊孫拒收小小心意 新抱自覺「這家用」無佔便宜 網民：倒貼都唔夠 教路「曲線送禮」老人家最開心逐張睇↓↓↓↓
新抱自覺無佔便宜
樓主昨天（13日）在社交平台 Threads發帖，指孩子平日由奶奶照顧，她主動提出「每月畀 $3,000」，奶奶推卻指「自己屋企人，點收錢？」，但她依然堅持，深信不給錢就像在佔便宜。
然而，留言區近乎一面倒搖頭。有網民戳破新抱的自我感動，指「畀唔夠寧願唔收，收咁少嫲嫲（奶奶）仲要倒貼你，你就自我感動覺得畀錢我賺，梗係唔收，收咗倒貼仲覺得我著數咗。」
有網民質疑這筆錢是否要老人家包辦日常開支，直言「$3,000 係咪淨袋先？$3,000 仲要搭車煮飯𠱁你個細路，阿嫲仲要倒貼呀！」亦有網民直指「怕佔佢便宜，就請工人」。
網民接著計出這筆數有多離譜，直言一日得 $100，根本是侮辱性開價，痛批「畀得嗰 $3,000 一個月其實已經係佔緊便宜……」、「$3,000 仲少過外傭，抱到腰痛、手痛睇醫生都唔夠！」
各家湊孫家用大對比
為了讓樓主明白行情，不少同路人慷慨分享自家的家用數字。有網民透露自己只是輕度勞煩長輩，開銷已經不止於此，指「我每月畀 $3,500，淨係幫我睇學校假期同星期六日，飯錢另計，平時收工就要接個仔放學一腳踢」。
另有網民表示「我奶奶一週嚟兩日幫手，我老公畀佢 $6,000」，亦有網民分享「我媽每日幫手接放學（同姐姐一齊去嘅）都畀多過你呢個數，接完就送返屋企，完成」。
有網民建議「起碼 $6,000 啦」，甚至指出「兩人返工畀 $8,000 吧，當係伙食加親情價，以後小朋友長大啦，即使唔需要老人照顧都要識感恩，帶同佢哋定期探望，關心下佢，仲要當仔女面畀啲零用錢，做好榜樣，仔女以後會更尊重父母嘅」。
網民揭長輩「防衛機制」
網民更指出，奶奶堅持不收這 $3,000，背後其實有很深的心理顧慮。有網民坦言，老人家其實驚你出少少錢就畀說話佢聽，指「一個月畀咁少大家都唔好意思……老人家驚你出少少錢就畀說話佢聽，『你唔係幫我湊，我有畀錢你』之類，或者第日佢同個孫講係佢湊大，你又唔 Like（喜歡），覺得佢有收錢」。
另有網民深表同感，指收了微薄金錢，隨時會被新抱理直氣壯地挑剔，表示「阿嫲心裏，收嗰 $3,000 又唔係多，一陣做得唔合你心意，仲被你理直氣壯話轉頭（我都有畀錢你呀！你咁湊我 B 呀！）。所以寧願唔要好過」。
網民教「曲線送禮法」 兩招報答大方實用
既然現金給得尷尬，網民於是傳授大方、實用且不傷感情的報答方法，教新抱如何得體地向奶奶表達謝意。
首先在溝通技巧上，如果預算真的有限，就必須將款項包裝成「心意」而非「家用」，在說話態度上應保持謙卑，千萬不要擺出「有給錢」的姿態。
網民建議可以向奶奶解釋「你講清楚啲咯，知道湊小朋友唔容易，又易攰，但我哋搵唔多畀唔到咁多，$3,000 係我哋小小心意，多謝嫲嫲（奶奶）你幫手湊孫！」。
其次在給錢方式上，網民指出不要每個月硬塞 $3,000 現金，因為按月付款感覺像在支薪請員工，容易產生磨擦。
不如將錢儲埋一排，每逢大時大節、過年或者老人家生日時，一次過當作大利是畀一萬、二萬，或者直接買個金牌仔送給奶奶，這樣做老人家實最開心，既大方得體又能讓奶奶高高興興收下，完全不傷和氣。
另外也有人提出，其實不需要到處向人透露自己給多少，因為家家不同，最重要是有心。有網民建議「有心嘅，放假陪下佢，有時間帶佢一齊去飲茶、食飯、行街，陪佢買下衫」，這種實際的陪伴與關懷，往往比每月的微薄現金更得長輩歡心。
資料來源：ceceliacheungtse＠Threads
相關閱讀：
父母轟「遠過機場」拒幫手湊B 港媽首派東涌公屋陷家庭大戰 網民一句神回點醒當事人
港男列育兒開支每月破5萬！已零娛樂無請外傭 清單最後一句直擊盲點掀激辯
