觀塘6點放工衝7:55飛日本?港媽求方法全網斷言「送機尾」 竟有人曬搭車收據徹底逆轉|Juicy叮
發佈時間:12:05 2026-11-09 HKT
香港人為去旅行可以去到幾盡?一名在觀塘返工的港媽計劃本周三(11日)在放工後即趕赴機場,搭夜機去日本東京,她昨日(8日)發帖詢求教:「想請教吓,6點收工響觀塘去機場趕唔趕到lee班機」,並附上了一張航班截圖,班機為7時55分起飛,午夜12時45分到達羽田機場。這則看似普通的求助帖,在短短21小時內便有超過76萬次瀏覽量,吸引近千名網民湧入留言熱烈討論,大家都對港媽的「勇氣」均表震驚。
不可能任務!?6點觀塘收工 網民驚呼:7:25要到登機閘口
根據樓主上載的預訂機票的截圖,可見她計劃出發日期為本周三即11月11日,航班資料為:晚上19:55於香港國際機場起飛,搭乘香港快運航空(HK Express)航班,預計於翌日凌晨00:45抵達東京羽田機場,航程總共3小時50分鐘。
19:55 起飛,意味著什麼?網民隨即開啟「精算師」模式幫樓主計算死線:香港快運(UO)規定櫃檯及行李寄艙於起飛前75分鐘(18:40)關閉;即使做了網上Check-in且沒有寄艙行李,登機閘口亦會在起飛前30分鐘(即19:25)準時關閉。
AI美好幻想 vs 「觀塘老母」殘酷現實
樓主透露,自己之所以動了這個念頭,是因為被AI「老點」了,從網民分享的相片可見,AI曾給出非常樂觀的答案:「由觀塘乘搭港鐵出發,經轉乘接駁至機場快綫前往香港國際機場,全程大約需時63分鐘。」
由AI計算的「觀塘放工極限衝刺心法」更具體建議樓主在18:00放工後,利用車上時間於18:40前完成網上Check-in,直接憑手機QR Code 衝安檢,只要在19:25前趕到登機閘口即可,截圖更看到AIAI甚至用極具冒險精神的語氣叫樓主「放心」。
不過,大量在觀塘返工的網民紛紛點出,AI顯然低估了該區的「地獄級」放工路況,正如網民吐槽:「AI唔識『觀塘老母』呀,fake你㗎!」、「AI 總係有冒險家精神,反正輸就輸你。」「觀塘老母」是源於粗口的的網絡潮語,是本港網民用來發洩觀塘區長期嚴重交通擠塞的不滿。
網民曬實況交通圖:放工時段「一片血紅」
有熱心網民隨即貼出Google Maps的即時路況截圖,無情拆穿AI的謊言,地圖畫面上,整個觀塘核心地帶,包括開源道、鴻圖道、偉業街、觀塘繞道(近觀塘海濱花園)以及 APM 周邊,全部呈現深紅色的嚴重塞車狀態。
網民紛紛大喊:「唔好當觀塘老母係流既!」「觀塘老母會懲罰每一個睇少佢嘅人。」「我諗起碼都塞你三個字(15分鐘),行出公司上車少過10分鐘都當你今日早走左。」
交通工具大比拼:港鐵 vs 叫車,勝算幾多?
路線一:地鐵轉機鐵
面對一片非議,亦有不少熱心網民進一步探究各種交通工具的「勝算」。有網民截圖港鐵App,推薦路線為:觀塘 → 太子 → 荔景 → 青衣 → 機場,全程成人車費為$73元。App預計時間:大約55分鐘(另一條經油塘、北角、中環至香港站轉乘的路線則需67分鐘),似乎有可能助樓主在死線前趕到機。
不過,不少網民隨即大潑冷水,指出雖然純車程約一小時,但放工時間「連行人路都塞」,「上地鐵都要排隊,上唔到依班又要等第二班」,再加上機鐵候車時間,去到機場分分鐘已經 19:15,而 UO 的登機閘口通常「老蓮咁遠」,還要搭接駁巴士,根本是「趕X到賴屎」。
路線二:的士/Uber
雖然大部分網民警告「放工時間的士行東隧、繞道都塞爆」,但居然有網民貼出了神級實測的Uber乘車截圖。
這張Uber乘車收據截圖中可見,一位乘客在10月2日傍晚18:01於觀塘「駿業街65號敬活工業大廈」(King Win Factory Building)上車,中途經青沙公路,竟在18:39抵達赤鱲角「機場博覽館路1號」,全程僅用了38 分鐘,車費$265.74。
雖然有此「神蹟」,但網民直言這需要「求神拜佛」保佑路面零意外:「平日傍晚行龍翔道去機場方向塞到傻,平均十日內有六七日都塞緊」、「如果touch wood龍翔道、青馬再塞一塞就拜拜。」
網民爆笑「神建議」:Sick leave會簡單啲
面對這個近乎不可能的任務,網民紛紛獻計,笑料百出,有網民提議樓主申請病假 / 提早閃人:「Sick leave會簡單啲」、「話唔舒服去睇醫生,五點走fit」。有網民搞笑地建議樓主可將交通工具升級:「在觀塘call直升機應該得」、「Tesla飛天車幫到你」、「坐水上的士」。
有網民則建議樓主的勇氣可參加極限挑戰:「支持你試香港三項鐵人」、「將你的手同班機嘅機師鎖在一起」、「買下班飛HND23:55,一早去到周圍玩仲划算」。
樓主佛系回應:「集思廣益,未買未買!」
眼見近千網民為自己操碎了心,甚至演變成對觀塘交通的集體控訴,樓主 連忙多次留言澄清,安撫大家激動的情緒:「未買, 睇吓姐」、「未買未買, 做功課姐, 十劃都未有一撇」、「大家可以冷靜啲!」、「送飛機可能趕到」
最終,樓主也無奈承認,AI的建議確實信不過,自己也覺得就算無寄艙行李也極難趕上,這次發帖純屬「無聊當去咗旅行」的集思廣益。
來源:Threads
延伸閱讀:東京8天遊拒夾公數輪流請客 港男慘墮「找數黑洞」蝕萬円求救 同行團友竟現身開火對質?

















