港爸欲幫18歲仔排單人公屋 網民超狂獻計「極速上樓暗黑時間表」：咁做18歲已拿3人飛｜Juicy叮
發佈時間：12:00 2026-11-05 HKT
「得公屋得天下」已變成不少人的口頭禪，有家長近日在Facebook發文，詢問應否在兒子剛滿18歲時，便立即為他申請一人公屋「為未來作打算」，結果帖文引來大批網民熱議，不僅揭開了非長者單人公屋「排到五、六十歲」的殘酷真相，更衍生出一套令人哭笑不得的「極速上樓暗黑攻略」，瞬間成為網絡熱話。
慈父問18歲排公屋 網民驚訝：想個仔成世搵萬三？
該名身為父親的網民在社交平台發帖請教：「其實亞仔係咪一到18歲就要自己申請定一人公屋？為未來作打算？」這條看似未雨綢繆的問題，隨即引來過百名網民「圍爐」解答，不少人直言樓主的想法已經嚴重脫節。
有網民指出，現時一人公屋的入息上限極低，質疑道：「入息得1.3w多D，其實咁早申請的意義在哪裡？？？」更有網民毒舌反問樓主是否「想個仔唔好賺咁多」，直指在現今香港社會，只要有一份正常全職工作都必定超額，「萬三蚊做保安都爆」、「做清潔都超入息呀！唔通你叫佢一路趟平......」。
不少網民苦口婆心勸喻樓主不要限制兒子的發展，直言：「如果申請了公屋，就會限制自己收入直到有屋為止，一生都做社會底層，一生唔可以有上進的想法了，不要教下一代食呢一個糖衣陷阱吧。」亦有網民慨嘆：「點解要害個仔？」、「如果係一個叻仔明知佢會搵到好多錢你要佢攞公屋，咁佢嘅人生高度就比你set死咗！！」
面對排山倒海的留言，樓主其後亦留言解畫，坦言自己並不清楚入息限制：「原來一人只可以萬三？我冇諗過，只係成日聽朋友講話18歲即刻申請，謝謝大家。」
計分制殘酷真相：18歲入紙，隨時「登六」先上樓
除了入息限額形同「緊箍咒」，網民亦紛紛科普現時非長者一人公屋實行「配額及計分制」，絕非早排隊就能早日上樓，有網民解釋：「二十幾年前係得，但已經俾人玩爛咗，而家單人計分制，單人應該無55歲都無樓派，中途會查下你入息，即係要keep住揾最低工資。」
留言區更有不少「苦主」及網民現身說法，大吐苦水指「我等左14年未有」、「19歲排到40歲仲等緊」，甚至有網民貼出計算結果後無奈表示：「我已經等到冇哂感覺。」有網民更幽默地向樓主潑冷水：「你可以照教個仔入紙，作為一個心靈安慰，因為派屋是40年後的事了，你都唔知有無咁長命睇到個仔上樓。」
至於有個別網民提議申請「特快公屋隊」，認為「一年就上樓」，即被大批熟悉機制的網民反駁指「特快唔係抽獎」，強調特快公屋同樣按分數（即年齡）排序揀樓，「幾天內比人㨂哂！只餘共用廚廁長者屋，揀屋是計分數即是計年齡，後生通常攞唔到！」更有網民提醒特快公屋不少屬凶宅或問題單位，絕非想像中筍盤。
網民獻計「極速上樓」狂想曲：16歲溝女、18歲攞3人飛？
既然單人排隊遙遙無期，一眾創意無限的網民隨即開啟「嘲諷模式」，為樓主兒子度身訂造出一套「極速上樓攻略」，核心秘訣只有四個字：早婚生仔。
有網民一本正經地獻計：「不如話一到18就快啲結婚，生多五六七八個仔就差唔多，包你快。」更有網民列出「完美時間表」，堪稱全帖最爆笑潮文：「排1人就Ｘ街啦！正確做法，16歲溝條女，17歲搞大佢個肚，18歲，攞張3人飛申請公屋，24歲就上樓攞1房單位。如果你唔識諗，今時今日仲去讀大學，讀完出嚟吊吊fing，又搵唔到好工，又溝唔到女，老豆又無錢幫你比首期，磨2年先去申請單人公屋，咁就一世啦！」
另一位網民亦搞笑和應道：「15歲搞大人地個肚，16歲結婚，17歲生一個，18 歲入紙，18歲半又生多個。甘咪可以有大單位加入息唔過」，更有網民戲言「每日工作就係繁殖，生一個仲有兩萬銀，爽」、「申請埋綜援一條龍，快人一步理想達到」。
雖然「生仔上樓法」純屬搞笑戲謔並引來全場爆笑，但亦有網民認為趁18歲仍在讀書、沒有收入時「申請咗先無壞」，因為「申請咗唔等於一定要限制自己搵幾多錢㗎」，即使日後出來工作因人工超額而被取消資格，亦不會有任何損失；萬一將來結婚加名，早年排隊的年資亦能折算少許分數。不過說到底，正如大部分網民所言，與其寄望數十年後的公屋，倒不如「叫個仔努力讀書，搵份好工賺多D錢抽居屋，買私樓重好」！
來源：公屋討論區 - 香港facebook群組
延伸閱讀：18歲少女問「係咪要申請公屋」掀議 嘆學校無教 意外催生超實用「上樓懶人包」
