港人「𨋢掣恐懼症」蔓延？熱帖狂轟防疫「無人撳門」變常態 網民教「這3招」反擊超爆笑｜Juicy叮
發佈時間：16:00 2026-11-05 HKT
一位女網民在Threads發帖控訴自己在搭𨋢時的荒謬遭遇，點燃大批網民的怒火。樓主在帖文中直言：「香港人真係有病」，表示自己當時最後一個入𨋢，本著良好市民的公德心，自然想去撳「閂門掣」，「入𨋢之後就四圍望睇吓粒閂門掣喺邊，但因為部𨋢太多人，閂門嗰粒掣我係撳唔到，隻手要穿過兩個人」。
豈料，身處控制面板旁邊的「A女人」不但沒有幫手，反而惡人先告狀，向試圖伸手撳掣的樓主大喝：「你唔好亂咁郁啦！」
係咪患上「𨋢掣恐懼症」？
樓主當場無奈回應：「冇人閂門，我撳唔到個掣。」 當時成部𨋢的人都聽到，但竟然「冇一個人去撳，重點A女人隔離就係閂門掣」。最離譜的是，A女人隨即搵藉口推卸責任，指責樓主：「你個袋頂住道門搞到閂唔到！」樓主心裡萬個粗口飛過：「Ｘ你啦，個袋係紙袋嚟仲要無嘢（因為啱啱去完順豐寄晒件）！」
結果，全𨋢人彷彿時間凍結般「大家企咗15秒」，氣氛尷尬又窒息，最後才由「B女人」忍不住伸手去撳掣閂門。樓主不禁在網上崩潰怒吼：「撳個掣啫，好似攞咗你哋條命咁，Cls！」
事件並未因出𨋢而完結，樓主事後坦言，雖然事情看似很小，但「越諗就越委屈」。她完全無法理解，為何站在掣旁邊的人死都不肯動手，還要把責任推到她身上：「理解唔到點解隔離有掣唔Ｘ撳，仲要喺度話我搞到道門閂唔到。X你話我嘅時候中間有冇人試過去撳掣啊。。賴X我」。
網民共鳴：一個𨋢制，一個巴士落車鐘 撳個掣好似會世界末日
這控訴帖文一出掀起不少網民共鳴，很多曾經受過「搭𨋢氣」的網民紛紛湧入留言，砲轟現時部分港人的搭𨋢惡習。網民們對那些霸佔控制面板卻「扮殘廢」的人表示極度憎恨：「欣賞你，我好Ｘ憎啲人明明自己最後入完𨋢但又唔撳閂門，好似個掣係生化武器咁，撳完會爛手！」「呢啲真係好乞人憎，唔講以為撳完個掣會爆炸。」「佢哋以為係呢個掣，撳咗會世界末日！」
有網民更精闢形容：「一個𨋢制，一個巴士落車鐘，啲人好似驚死㩒Ｘ完會生愛滋咁！」
網民盤點「搭𨋢四大怪人」
留言區內，網民紛紛化身社會學家，細數在香港搭𨋢最常遇到的幾類「自私精」：
霸Panel電話黨：這類人最愛站在兩旁控制面板前，但雙眼永遠黏在手機螢幕上，網民怒斥：「D on9最鍾意唔撳掣但係又要企起個panel位阻9住人撳」、「望少陣電話會屎嗎？唔撳就唔好企嗰度啦」。
自私潔癖魔人：自疫情後，不少人視𨋢掣為細菌溫床，死都不肯伸出高貴的手指，網民譏諷：「多咗班懶係潔癖嘅Ｘ家Ｘ......後生通常電話，40打後都係潔癖Ｘ」、「返屋企你唔洗手架咩？」、「咁驚細菌就咪Ｘ出街啦，撳個掣你隻手指會斷咩？」。
「老鳳」奉旨黨：不論是第一個入還是最後一個入，總有人覺得「撳掣」是別人的責任，有網民分享慘痛經歷，指自己與老公拿著重物，後面的人入𨋢卻完全無動於衷，氣得她大聲諷刺老公：「乜你轉咗行做揸lift咩！啲人隻手跛㗎？」
門口死守塞車黨：「衝咗入嚟就棟喺度唔郁架啦，好似只要趕到呢部地球最後既𨋢就完成任務咁」，這類人成功登機後便靈魂出竅，既不往裡走，也不幫忙按住開門掣，極容易夾到後面的人。
網絡奇招大博弈：「一律建議行樓梯」
面對這些「殘廢」搭客，網民也發展出一套「港式精神勝利法」與反擊奇招：
玉石俱焚流：「下次撳到就撳，撳唔到就攬炒齊齊停。睇吓邊個頂唔順撳掣。」、「一齊唔好撳，鬥唔㩒由佢自己生𨋢門。」
瘋狂惡搞流：有網民分享，試過有人入𨋢不撳掣還叫他讓位，他索性直接幫對方「撳晒成部𨋢嘅掣，自己出返去行樓梯，成個人開心返晒」。
狂開狂閂流：「咁我會一齊玩，佢閂門我再開返，大家一齊咪上，咁唔想撳」。
老街坊懷念以前搭𨋢 總有人主動問：你幾多樓啊？
這次熱話更勾起了不少人對舊日溫馨香港的懷念。有網民感嘆，以前舊式香港，街坊搭𨋢充滿人情味：「喺lift入邊總有一個人會主動問其他人，你幾多樓啊？仲有冇人未撳𨋢......而家好似越嚟越少呢啲街坊嚟嘅和睦。」
不少網民亦附和感嘆道，如今搭𨋢這件日常小事，卻成了一場考驗人性的心理暗戰，盼望下次搭𨋢，大家看到旁邊的人猶豫不決，會選擇主動伸出援手，而非只是跟他們「鬥唔撳」鬥到天荒地老。
來源：Threads
延伸閱讀：「銅鑼灣揸lift人」遭網暴嘲最hea工 網揭辛酸人工咁多 仲有「呢樣」勁傷身
