港男日本福岡漏護照慘付$7000代價！自爆荒謬原因控店員只顧收錢網民拒同情：根本曲線公審妻子？｜Juicy叮

更新時間：12:03 2026-10-27 HKT
發佈時間：12:03 2026-10-27 HKT

港男日本福岡漏護照慘蝕$7000！自爆荒謬原因控店員只顧收錢網民拒同情：根本曲線公審妻子？｜Juicy叮

赴日旅遊期間瘋狂購物並辦理退稅十分普遍，一名港男昨日（26日）分享與太太前往日本福岡旅遊時，因購買免稅品後遺留護照，最終導致趕不及登機，需額外花費七千多元重新購買翌日的機票及預訂酒店。事件原本只是一宗旅途上的疏忽慘劇，惟樓主公開批評日本店員「好唔專業」，旋即引發網民熱烈討論。

抵機場始覺遺留護照折返天神取回已太遲

該名港男昨晚於Threads發文大吐苦水，指與太太在福岡旅遊期間，太太於市區購買免稅商品後，「唔記得同店員取回護照」。夫婦二人起初懵然不知，直至抵達福岡機場準備辦理登機手續時，始驚覺遺失證件。

兩人隨即由機場趕回位於天神的店舖取回護照，惜再次折返機場時，「航空公司話已經太遲唔畀check in」。最終二人無奈滯留當地，結果「最後要買第二日的機票和訂即晚酒店，使多七千幾蚊......」，代價相當慘重。

樓主護妻兼自稱同行反控日本店員：一味只顧收錢好唔專業

面對無故大破慳囊，一般伴侶或會因此產生爭執，惟這名丈夫卻展現出另類的護妻態度，他在帖文中表示：「我又唔係好責怪太太，反而日本的商店職員好多都沒有主動將護照還給客人的習慣，一味只顧包裝和收錢。我們離開咗櫃枱都唔職（識）呼叫我哋取回護照，好唔專業。」

為增加說服力，樓主更以自身的職業背景批評對方：「我自己都做服務行業，經常接觸客人證件，我好小心一定盡快將證件歸還俾客，因為證件真係好重要。唔可以輕視。」

網民質疑諉過於人：曲線公審妻子？

帖文一出引發極大迴響，不少網民均認為保管旅遊證件屬旅客的基本責任，紛紛留言斥責樓主推卸責任：「幫大家做個總結，我好大方同埋錯嘅一定係人哋」、「完美演繹痾屎唔出賴地硬」、「西客最大特徵：本末倒置」、「你唔出現係日本咪冇事」。

不少網民更直接以樓主「從事服務業」的言論作出反擊，質問他：「你做服務業咁小心，但做遊客唔小心」、「你話『因為證件真係好重要。唔可以輕視。』你老婆連自己個證件都可以輕視，你反而怪陌生人輕視你哋嘅證件？！」、「自己嘅嘢唔保管好仲要將責任推卸俾日本店員？嘢就識買，證件唔識自己袋好？怪自己好過怪其他人啦！你兩個係做人嚟（呢）方面都唔係好專業。」

此外，有網民亦嘲諷樓主的「寵妻」邏輯：「放心啦，你老婆做錯乜都好，最後一定會願（原）諒你」、「作為一個老公處理手法唔錯，作為一個人你就Ｘ到宇宙邊緣」。有網民甚至質疑樓主實為曲線公審妻子：「你係唔敢怪老婆，先推哂個波落店員度」、「你唔敢Ｘ你老婆，所以放上嚟等大家Ｘ佢？」、「其實成件事最應該怪嘅係你自己，冇提到你太太記得要拎返護照」。

網民認同店員有疏忽奇怪福岡機場極近市區樓主何以趕不及？

儘管質疑聲不絕，討論區中仍有部分網民為樓主發聲，認為涉事店員確實存在疏忽：「乜咁多人覺得店員冇問題，唔出聲係咪唔使找錢？整完退稅冇主動畀返護照人真係好低級嘅錯誤」。有網民亦分享類似經歷，表示：「日本有時係會咁，我都試過啲職員冇俾返passport，行咗一陣先發現。好在早發現，嚇到飛返鋪路問職員拎返！」、「有時真係忙起上嚟佢地唔記得都正常，又要對資料又要找錢又要包嘢」。

另一方面，熟悉福岡地理環境的網民則將焦點放在「交通時間」之上。眾所周知，福岡機場是全日本最鄰近市區的機場之一，有網民對此提出質疑：「福岡的士來回都唔使一個鐘，你係好遲先出機場」、「天神來回機場合共不多於半個鐘車程，點解會太遲唔比check in?」、「點睇你都係last minute先去機場嗰啲」。

面對網民對其時間管理的質疑，樓主亦親自留言解釋，指事發時正值「星期六下午市區塞車，的士根本郁唔到」。當被問及為何不改乘鐵路時，樓主則反駁稱：「回程咪坐鐵囉，唔係去博多，係去天神。」