單身孝順女獨力照顧病重父母 已婚兄姐卸膊仲講風涼話 網民教路反擊自私鬼｜Juicy叮
發佈時間：13:20 2026-10-24 HKT
一名單身港女近日在網上訴苦，指獨力死頂照顧病重父母，已婚的兄長和家姐不但集體卸膊，還講風涼話，令她感到心淡。看不過眼的網民教路，用一招強硬反擊自私鬼。詳情見下圖及下文：
單身孝順女無奈硬食 獨力照顧病重父母 已婚兄姐卸膊仲講風涼話 網民教路反擊自私鬼逐張睇↓↓↓↓
獨攬重擔半年心淡 已婚兄姐卸膊
樓主昨天（23日）在社交平台Threads發帖傾訴，指自己是「屋企最細、單身、未婚」，無奈感嘆「就註定孭起父母」。
她透露，阿爸年初搬入其新居一個星期就發譫妄症，阿媽身體亦差到無法自理。這半年來，「醫院、綜援上訴、排老人院、社區券、請工人，全部我一個搞」。
然而，擁有自己家庭的兄姐卻仿如置身事外。樓主自爆阿哥平時「一星期探一兩次」，而「家姐移咗英，阿爸入院返得嚟兩個禮拜」。
遭家姐指責「放負」
樓主坦言一個人的承受力有限，只是在家庭群組訴苦兩句，家姐即指責她「放負」，姐夫更冷嘲熱諷著她「有情緒病就睇醫生」，阿哥阿嫂則是「已讀不回」。
樓主心寒反問，兄姐個個有家庭就可以理所當然卸膊？直言「結婚生仔唔係大晒，父母係大家嘅，理應除三份」。她強調自己並非不想照顧，但「一個人頂咁耐，（兄姐）連多謝都冇聲，仲要食住我，真係心淡」。
網民力斥自私
網民對樓主的遭遇都看不過眼，批評其兄姐自私兼冷血，指出「冇幫手照顧就出錢，唔出錢唔幫手嘅，憑咩指手畫腳」。
有過來人直指，家中有事時最看清人性自私，奈何很多男人結了婚最聽老婆話，女人嫁了又要看老公頭，一有事就用「有頭家、工作忙」當藉口，把責任全擺在同住的女兒身上，當同住是老馮。
有人更直言，明明有手足卻要獨頂，比獨生子女更心灰：「明白照顧者真係好辛苦，如果你係獨生還好，因為明知冇人可以同你分担，但明明有兄弟姐妹，個個都缷責，仲要唔體諒你，真係心灰灰。」
網民教路強硬反擊
面對已讀不回和風涼話，網民教路樓主毋須再在群組浪費唇舌訴苦，而是提出大家要有承擔。網民建議實行「有錢出錢、有力出力」的實報實銷制，直接拋出追數明細表：
「請工人嘅錢、爸媽所有開支，包括食用、尿片、床墊、醫療等費用，每月計好數，列晒細明表，平均分三份，叫佢哋過數。如果有人唔肯出，就鬧佢：爸媽大家有份，所以平分開支係好應該。唔出手，就必須出錢！」
網民提醒，樓主發洩完情緒後必須冷靜，與兄姐攤開來講日後如何照顧，不要一個人做晒，因為「你一個人照顧，遲早頂唔順，你都好快冧檔，到時佢哋仲煩。你做咗啲咩程序都要同佢哋講，盡量令佢哋投入參與」。有網民則分享最極端的自救法，索性尋求社工協助，所有事情自己決定。
資料來源：mimimilklove__＠Threads
相關閱讀：
養兒防老已過時？「 70後」人妻打破「死都唔入老人院」焦慮 提早規劃晚年生活 網民讚心態正確
怕腦退化伯伯周圍走？ 老人院員工靠「一個大話」秒收服 乖乖坐定等「出糧」 同行分享更多暖心絕招
