少女背囊「中門大開」 善意提醒唔該都無句 紋身漢同類經歷 好心著雷劈 反被當「這種人」｜Juicy叮
發佈時間：15:34 2026-10-15 HKT
日前有港人在商場主動提醒少女背囊「中門大開」，豈料對方毫無謝意，令其感嘆社會基本禮貌變樣。帖文引發共鳴，網民痛陳在港「好心著雷劈」的無禮經歷，當中更有紋身漢熱心提點反被當成「這種人」；亦有理性網民奉勸一句，智慧之言瞬間點醒全網。詳情見下圖及下文：
少女背囊「中門大開」 善意提醒唔該都無句 紋身漢同類經歷 好心著雷劈 反被當「這種人」逐張睇↓↓↓↓
少女反應令人心寒
樓主早前在社交平台 Threads發帖指，日前在商場看見一名少女的背囊完全沒拉好，處於「中門大開咁見到入邊所有嘢」的狀態。樓主好心上前低聲提醒，豈料少女聽後「個樣勁愕然」，且無任何謝意，反而立刻轉身「叫佢男友幫佢拉返」。
樓主坦言「真心唔志在佢有冇講一句唔該」，但冷待態度仍令其反思「而家基本禮貌嘅 Standard（標準）係咪已經同我認知嘅好唔同？」更指自己「已經唔係第一次遇到」此情況，自嘲「可能唔應該太多事嚇親人」。
網民痛斥：大把香港人無禮貌
帖文引發網民共鳴，認為「閒事莫理，大把香港人無禮貌，更有甚者會鬧返你轉頭」。亦有網民指涉事少女「冇教養」，安慰樓主「你好好心，唔好俾佢影響到」。
網民「好心無好報」遭遇
網民大爆「好心無好報」遭遇：有人在台灣地鐵提醒女生手袋大開，反被對方極不友善地「啤一啤下我乜都冇講」，令人大感反感，自嘲「ok（可以）係我多事咗！以後都唔會再咁好心！」。
紋身漢好心提點 驚變嫌疑人
有「成手紋身」的網民在巴士提點他人背囊沒拉好，對方竟一臉防備，表情「好似覺得我拉佢拉鍊咁」疑其行竊，幸得身旁朋友作證。亦有網民在旺角商場提點他人袋子大開，對方卻黑面「唔該都無聲拉番個鍊就行開」，直斥「勁無禮貌」。
幫Hold Lift當「老馮」
日常無禮行為隨處可見：有網民大聲喝止3人衝紅燈免被車撞，對方竟繼續大笑，甚至「thank you（謝謝）都無句」；有人幫忙「Hold Lift（按住電梯門）」亦無人言謝，自嘲「好多時幫手Hold Lift都無人講唔該，好想一腳踢返依啲人出去」。
理性網民奉勸一句點醒全網
在一片抱怨聲中，有網民好言勸慰：「你做嘅係好人好事，就算當事人冇感激你，都唔會影響到你做呢件事嘅本意」，認為出發點最重要，奉勸抱持「施恩莫望報」心態，若介意下次就別做，要做就別理會回報，智慧之言瞬間點醒全網。
資料來源：never_settle_for.less＠Threads
相關閱讀：
住日本5年回流香港 飽受禮待反愛港式服務？ 港女嫌日本少一點「活人感」 網民：香港係人情味
有禮婆婆開口求讓座 打工仔一句反擊引爆車廂道德戰 難頂全車無聲審判最終屈服 網民：人情味去咗邊
唔該都無句「老馮怪」橫行 順手Hold門港男聽到呢句舒服晒 網民護送有禮婆婆 每過馬路堅持咁做
