「上次返嚟仲喺啟德降落」 移美45年遊子下月返港「搵食」 憂家鄉面目全非 網民急推清拆地標：遲咗就無｜Juicy叮

一別香江四十五載，遊子心頭那縷鄉愁，從未隨潮水退去。在11月的微涼裏乘風歸來，為了尋回舌尖與記憶深處，那一口消逝的舊時光。

「少小離家老大回」，海外遊子對家鄉的思念與牽掛從未止息。一名移民美國長達45年的「老香港」，計劃於11月帶同女兒回來「搵食」旅遊3星期，感嘆「上次返嚟仲喺啟德降落！」。因其憂慮家鄉面目全非，網民好心化身「盲公竹」，力推多個充滿昔日情懷的隱世地道景點與觀光路線，助其尋回失落的本土風味。詳情見下圖及下文：

「上次返嚟仲喺啟德降落」 移美45年遊子下月返港「搵食」 憂家鄉面目全非 網民急推清拆地標：遲咗就無逐張睇↓↓↓↓

難忘1998年啟德降落

身處美國的樓主早前（3日）在社交平台 Threads發帖分享個人經歷，透露自己「已經移民咗45年嘅我，下個月11月4號，終於返嚟香港旅行3個星期啦 😆」。

消息引來部分網民好奇追問：「移咗45年，一年都無返過香港？」。樓主坦言：「上次返嚟香港係送我婆婆最後一程，當年係1998年，係喺啟德機場降落，我從來都未去過香港赤鱲角機場啊😅」，並透露「當年只係返咗嚟5日」，至今一晃眼已是28年前的事。

樓主唏噓表示，漫長的移民生涯各有職責，「初初移民嗰頭20年係為咗生存，為咗讀書，兼職，跟住嘅20幾年係為咗家庭同埋事業」。

在這埋頭苦幹的40年裏，對香港的變遷「完全斷晒片」。如今打算在3年後提早退休，並計劃多到亞洲和歐洲不同國家旅行，首站必然是回港：「因為我打算三年後提早退休……到時一定會返嚟香港多幾次。如果再唔返嚟，香港會變得完全陌生」。

樓主深情表白指，最近幾年在網絡上一直很關心香港的社會動態，直言「Hong Kong still has a special place in my heart❤️（香港在我心中仍佔有特殊的位置）」，所以「一定會再返嚟嘅！」。

樓主：回來要食夠本

幾個月前開始，樓主已在平台上留意港人的 posts（帖文），並 mark（記下）低了不少美食推薦，銳意這次回來一定要食夠本。其清單包攬了香港最地道的飲食文化，包括「去掃街，食 buffet（自助餐），大閘蟹，sashimi（刺身），雲吞麵，蛋撻，長沙灣深水埗茶餐廳，腸粉，燒賣，飲茶，鋸扒，燒鵝，叉燒 ... 😋 🍜🥟」。

除了尋覓美食，在石梨貝長大的樓主此行更希望親自回港走走，感嘆「知道呢幾年香港變咗好多💔 係時候要返嚟行下啦！如果唔係，我怕遲早香港會變到面目全非」。

網民熱推觀光路線

帖文勾起大批網民的集體回憶與共鳴，感嘆「時代變，人物風景都改變」。針對樓主渴望尋回「45年前味道」的心願，熱心網民極力推介數個極具本土特色且能避開喧囂的隱世觀光景點：

荃灣川龍與老區「掃街」 

若想體驗買少見少的「舊茶居」風味，不少網民極力推介前往荃灣川龍的舊式茶樓，一嘗坐在山林間一盅兩件的獨特體驗。此外，深水埗與長沙灣等老區亦是感受平民生活與懷舊街頭美食的絕佳去處，最適合遊客在街頭漫步「掃街」，尋找腸粉、燒賣等最地道的街頭小食。

長洲一日遊

在離島行程方面，有網民熱心力推「如果有時間平日行一轉長洲」，在平日避開人潮，好好感受島上的慢活節奏。樓主看過建議後大感興奮，笑言「我一路都諗緊究竟去長洲或者係去大澳好，既然你建議長洲，咁我就決定去長洲啦。😊」。

彩虹邨看最後一眼 乘「落日飛車」賞海景

除了離島，即將步入歷史的舊式屋邨亦是不可錯過的足跡。有網民推介「去彩虹邨，牛池灣！你會搵到30、40年前嘅香港」，並溫馨提醒「彩虹邨就快要清拆，想睇多眼就要快了」，是回港必看的歷史足跡。

若想用最浪漫的方式結束一天，網民特別推介「坐赤柱開去中環嘅落日飛車」，坐在雙層巴士的上層飽覽日落海景，既貼地又浪漫。 

港式靈魂：冰鎮奶茶與經典風味

除了景點，港式奶茶與茶餐廳亦是尋味重點。網民直言現在「茶餐廳飲杯奶茶都難搵到45年前的風味」，建議可選擇知名連鎖茶餐廳的「冰鎮奶茶」，並強調「一定要冰鎮，如果唔係啲冰融咗就會溝淡咗杯奶茶」。

樓主：識聽識睇識寫中文

為了讓樓主回港時更得心應手，有網民特別提醒：「記得要買張八達通（實體或手機版均可）。食飯、掃街、買嘢、搭車搭地鐵⋯一卡攪掂👍👍」。樓主對此表示早已做足功課，興奮回覆指：「機場過咗關便利店有八達通賣 👍👍 呢幾個月喺呢個平台已經學到好多嘢啦，準備好啦，返香港啦😆」。

有網民看見樓主流利的廣東話，讚賞道：「值得慶幸嘅，你仲記得中文點寫」。樓主自豪回應自己「識聽識睇識寫中文」，還打趣道：「我仲識聽中山話㖭🤭因為細個喺香港爸爸媽媽同埋婆婆喺屋企講中山話，當然最流利嘅就係廣東話。」。他感慨在美國的生活圈子裏真的沒有機會說廣東話，因此「好期望返香港可以同人用廣東話交流」。

資料來源：nexttripisthebest＠Threads

相關閱讀：

移美36年唔熟香港 搭港鐵問路去九龍塘狂食檸檬 好心人親自帶路 意外揭開移民港人半生辛酸史

移英5年首度返港 友人：你是極少數 揭開移民港人「不回港」真實心態 有家長一走13年自爆背後辛酸

彩虹邨真係有彩虹 戴上光的冠冕 兩道彩虹相遇（內附彩虹邨重建資料）