中秋劫？多間幼稚園正日搞活動至晚上9點 退休教師轟歪風掀議：「校長老師冇家人咩？」｜Juicy叮
發佈時間：06:07 2026-09-25 HKT
今日（25日）中秋佳節，本應是人月兩團圓、一家人齊齊整整食飯賞月的溫馨日子。有退休教師在社交平台Threads上發文炮轟，批評多間幼稚園在中秋節正日舉辦長時間的晚間活動，不但令學童無法與家人做節，更被質疑是勞役一眾前線教師，引起網民及家長們熱烈討論。
退休教師炮轟幼稚園「中秋歪風」
這位自稱有三十二年教師經驗的網民，在帖文中痛心疾呼：「中秋節正日，大部分公司放早，一家團聚做節...但這三間幼稚園中秋節正日活動，（時間為）4：30-7：30，6：00-8：00，6：00-9：00」。他質疑，小朋友早上已上學，晚上還要被「綁」在學校，「不用稍事休息飯後再去大型綵燈會嗎？不用跟爺爺嫲嫲公公婆婆做節嗎？」
帖文更直接將矛頭指向學校管理層：「校長沒有家人嗎？老師沒有家人嗎？」並認為教育局及社會福利處應正視問題，發出指引，直指「節日正日學校辦活動的歪風不應再蔓延下去」。由於深知「在職的都不便發聲」，這位退休教師表示：「我退咗休，乜都唔怕，就由我代勞啦」。
海報曝光：活動直落夜晚 網民：以為老師無屋企人？
樓主上載了多張幼稚園的活動海報作為證據，揭示了這股「歪風」並非單一事件。其中一張海報顯示，一間幼稚園的「月圓童樂・中秋晚會」在商場廣場舉行，時間竟長達三小時，由傍晚6點直至晚上9點才結束，活動包括燈籠DIY和猜燈謎等。另一間幼稚園的海報則宣傳其「中秋親子歡樂夜」，時間同樣定於傍晚6點至8點。
第三張海報則是一場名為「與你共慶團圓」的中秋晚會，時間由下午4點半開始，直至晚上7點半，活動內容豐富，包括親子體能遊戲、攤位遊戲，甚至有「爆旋陀螺激戰」。
帖文一出，其他網民亦紛紛貼出更多「證據」。有網民上載了一間幼稚園的「圓月映心・愛匯雅餐」中秋節晚會海報，時間由下午4點半直落晚上8點半。
另一位網民分享了一間舉辦「中秋花燈會」的幼稚園海報，直斥：「真係歪風！呢間又係中秋正日...係咪覺得啲老師冇屋企人？遲啲會唔會新年年三十都要搞活動，要啲老師唔俾食團年飯，要搞年宵晚會？」
有網民則貼出一個帖文連結，顯示有幼稚園在中秋節翌日公眾假期，要求老師回校舉辦嘉年華，時間由下午3點到6點，該網民不禁感嘆：「正常放假，佢哋老師就要返去搞嘉年華微笑迎賓，辛苦晒各位老師......」
前幼師、家長圍爐質疑：為收生做到殘
事件引來大量家長及前幼師圍爐留言，大吐苦水，一位前幼稚園工作者表示，自己正是因工作繁忙而辭職，她指出：「好多長輩家庭要做節，小朋友容易因為約好咗同學仔返學校玩，而唔想返長輩屋企做節食飯，搞到父母頭痛」。她更心酸地憶述，自己的子女在家做節，自己卻要「陪人哋玩」，直言「冇人明白㗎」。
另一位前幼師則形容這行業是「斷六親」，感嘆道：「只有鼓勵家長同小朋友親子，自己就做到夜一夜先收工」。有留言更質疑，這股歪風源於收生壓力：「而家搶新生搶成咁，我諗真係冇人自願OT架」。
大部分留言的家長亦表明不贊成此類活動，認為「中秋嘅意義係同屋企人一齊」，質疑「落去玩呢啲活動有咩意思」，有網民指出，這類活動對老師極不公平：「一個活動，事前準備真係唔少嘢，當晚又搞到咁夜，仲要執嘢，OT又冇補錢或補假，咪搞到流失率咁高囉！」「有健康快樂嘅老師先有優質嘅教育」。
來源：Threads
延伸閱讀：月餅叮5分鐘險釀火災！全屋濃煙慘變毒氣室 專家網民教路：咁樣叮隨時大爆炸
