中港巴士站外大叔跌傷無人理 好心人伸手相扶 無助發問：下次遇到點算好？ 網民教應對｜Juicy叮
發佈時間：13:00 2026-09-22 HKT
一名好心人近日於中港巴士站外，驚見有大叔在旅遊巴旁仆倒流血，在途人冷眼旁觀之際，他熱心出手相扶並帶到公園休息。事後他無助發問「下次再遇到呢啲情況，到底應該點做好？」。網民大讚其好心腸，並教路應對方案，暖心提醒「老人家跌親可大可小」。詳情見下圖及下文：
中港巴士站外大叔仆倒流血無人理 好心人伸手相扶 無助發問：下次遇到點算好？ 網民教應對逐張睇↓↓↓↓
樓主：紙巾見紅
樓主前天（20日）在社交平台 Threads發帖，透露回家途中，看見一位大叔坐在地下用紙巾抹著頭部。起初以為對方有特殊需要，但行近一看，驚覺紙巾上「有紅色」，而且「流晒血咁，全部人行過都唔理佢」。
看著無助的大叔，樓主上前詢問：「你有冇事啊？」大叔回答：「啱啱差錯腳仆低撞到個頭，而家起唔到身，可能要你扶一扶我。」
雖然那一秒腦海中閃過種種「碰瓷黨」的片段，樓主甚至自嘲「有一秒以為佢係道友，覺得自己心地唔好」，但最終仍選擇了心中的善良。
由於大叔當時坐在「一架好大嘅旅遊巴後面」，樓主沒有想太多，便順應大叔堅持，動作盡量慢地「扶咗佢起身」，並帶到一個公園坐低休息，叫其「唞唞」隨後才離去。
不過，心繫大叔安危的他事後仍感到不安，在網上發問：「到底我係咪應該要返轉頭睇吓佢？下次再遇到呢啲情況，到底應該點做好？」
樓主並指，附近有個商場，但要行 5分鐘才到，並估計事發時商場應該「收咗」；另外，樓主見有幾個人「望到佢呢個情況仲加速行快幾步」。樓主接著還在回應欄補充，「行返轉頭已經唔見咗個大叔，希望佢真係冇事。」
網民：老人家跌親可大可小
網民為樓主的善良舉動點讚，形容這是「難得的好人好事」。
有人大讚「希望多啲人好似你咁會關心陌生人」，深信「這個社會不太冷」，但坦言現在很多人「唔敢出手相助，因為好驚遇上碰瓷水洗都唔清」。
不少網民也非常關心受傷大叔的狀況，留言提醒樓主，老人家跌親絕對「可大可小」，外表看著無大礙，但隨時有潛在危險。
有網民引述資深醫生分析，長者撞到頭一定要照 X光，因為「有時第一次照是沒事，但腦內慢性內出血會令老人家忽然中風或死亡」，所以三幾個月後最好再照一次，小心為重。
有網民分享自身經歷指，曾遇過跌倒的婆婆，額頭同樣腫起卻一直推說沒事，網民當時堅持為其「call 白車」，最後婆婆見到救護員來到都乖乖配合入院檢查，大讚好在當時有堅持。
也有扭傷腳仆倒的苦主大讚幸好有熱心女士「諗都無諗幫忙扶起」，否則連飛落地的手機都拿不回。
更有網民爆笑分享自己追巴士仆倒的瘀事，指當時因為「仆倒第一時間就唔想畀人知」，立即起身再追車；但上車後卻頭暈要在下個站落車，最後才發現手掌和膝頭「掉大塊嘅皮」，奉勸大家「仆完真係要坐一陣抖抖先好離開」。
網民傳授暖心救援方案
為了讓好心人日後能更安心、更周全地施予援手，一眾網民亦獻上兩全其美的暖心救援建議。
多名網民齊聲指出，撞親頭「千祈唔好扶」，因為若有「骨折內出血」隨便移動會加劇傷勢，直接報警「叫佢坐定定幫佢打 999」才是基本急救常識。
有網民提議，如果老人家因為怕麻煩而不願意叫救護車，可以溫柔而堅定地跟對方講「一定要 call 㗎，我又扶唔到你，你唔好郁啦」。
這樣既能成功讓傷者得到專業醫護人員的照顧，又可以避免好心人單獨扶起傷者時不小心造成的二次傷害。
即使對方拒絕，也起碼要「幫佢聯絡屋企人」，或者將其帶到「人流多嘅地方坐低，萬一真係有事都容易被發現」。
更有網民分享以前遇到老婆婆在樓梯仆親流鼻血，即使對方「血流唔停都話唔要白車，係咁話自己無事」，最後在多名途人共同耐心勸說下送返屋企。
亦有網民曾與陌生路人合力在毛毛細雨中幫跌倒長者「擔遮等到救護員嚟送佢上車先至走」。
資料來源：jimhoitung＠Threads
相關閱讀：
深水埗伯伯突暈倒後腦著地 藥房老闆一包紙巾「咁做」救命 網民激讚：明智之舉
上水拐杖婦突倒地 兩鐵騎士棄車跑足半條街施救 危急不忘一事顯細心 網民大讚識顧人感受
粉嶺伯伯街市跌倒管理員阻扶起：「要跟程序做，唔好郁佢！」目擊者嬲爆：睇到伯伯極力想起身無人幫
