屋苑「絕世好保安」離職 住客淚別 網民分享「神級實Q」暖心日常 深夜護送避開『大吉利是嘢』｜Juicy叮
發佈時間：11:09 2026-08-15 HKT
一名住客近日在網上發文，淚別屋苑內一位從小看著自己長大、即將離職的「絕世好保安」。帖文引發共鳴，不少網民接力分享身邊「神級實Q」默默守護的暖心日常，當中有夜更保安為免住客受驚，深夜親自護送街坊巧妙避開「大吉利是嘢」。詳情見下圖及下文：
屋苑「絕世好保安」離職 住客淚別 網民分享「神級實Q」暖心日常 深夜護送避開『大吉利是嘢』逐張睇↓↓↓↓
樓主：我出世嘅時候就已經喺度做
樓主昨天（14日）在社交平台 Threads 依依不捨地發帖分享：「有個保安佢今日 last day（最後一天上班） 😭😭😭 佢由我出世嘅時候就已經喺度做…（佢係嗰啲啱啱起完幢樓，跟住就喺度做嘅保安😭）」樓主透露，屋苑裏所有住客都覺得她非常好。
樓主大讚這位保安充滿人情味，時刻留意住客需要：「佢係會見到你冇手，幫手開門；仲有有 lift（升降機）會幫你撳住，叫你快啲入𨋢 😭 見到我早放，會關心我係咪考試😭… 我啲親朋戚友都認得嗰個保安…😭」無論是停水、停電還是升降機暫停，她都會熱心提醒住客。
然而，這樣一位備受愛戴的「絕世好保安」卻要離開崗位。樓主看著即將離職的保安姨姨，滿心不捨，並透露在最後一天，許多街坊見到她都叫她保重，對方也承諾一定會回來探望大家。
網民：好似冇咗個遠房親戚
這份街坊與保安之間的感情戳中網民淚點。不少人感同身受地表示：「我都經歷過，好似冇咗個遠房親戚咁，日日見住，20 幾年」、「你令我諗起我細個嗰兩個伯伯，希望佢哋一切安好」。
「神級實Q」暖心日常
除了對樓主的故事感到唏噓，不少網民藉此機會，熱烈分享自己居住的屋苑曾經出現過的其他「神級」熱心保安，每一單經歷都令人動容：
• 冒險截停硬闖者
有網民分享自己大廈一位服務廿幾年保安叔叔的英勇事跡。當時有外人硬闖升降機上樓，他立即在控制箱「擰」返部升降機下來，並冒著被襲擊的風險，堅決要求登記與確認：「你入邊部 lift，我都會擰返落嚟，你行樓梯我就報警！」
該網民續指，平時遇上住客看醫生回來，手上拿著藥袋，他會關心問候；遇到大裝修，他會提醒日間在家的住客準備「撤離」。然而，「可惜一天忽然換了人，公司政策，滿65歲要即退，他甚至沒有與任何住戶提起，沒有煽情，沒有人知道他 last day⋯⋯」
• 深夜護送上樓避開黑箱
有街坊分享了自己屋苑夜更姨姨的貼心舉動。家人喝醉在升降機嘔吐：「屋企人飲大晒喺 lift 度嘔到七彩，返到屋企一入屋攤地下，30分鐘後先出聲話喺 lift 嘔，阿媽邊鬧邊衝落樓諗住抹返，點知呢個保安已經消毒完 🤭我媽迫屋企人買果籃送畀保安」。
最深刻的一次是，家人半夜回家，剛好遇上有單位出意外，「黑箱（運屍）喺嗰下準備落樓」。夜更姨姨極度緊張，立刻叫停該家人不要搭升降機，更建議致電父親下樓接人。豈料家中唯一的男人「瞓死豬咁，冇反應」，最後是該名夜間保安姨姨親自陪同搭升降機回家。
• 保安姨姨手製「龍鳳」賀結婚
還有盡責的日更大年紀阿叔，因攔截陌生面孔要求登記，反遭對方帶同母親下樓以粗言辱罵：「之後個女人竟然帶住佢老母落嚟X阿叔，佢老母仲話一個女人，你怕佢打劫你呀！」
另外一位總是笑容滿面的日更姨姨，任何時候都好好笑容打招呼、家常閒話，得知網民家人結婚，「佢竟然用利是封手工做咗一對龍鳳畀我哋😭」。
資料來源：_an._.kie_＠Threads
相關閱讀：
公屋女保安「揈毛巾」大戰瘋狂外賣員 激戰後外賣仔舉Ｖ自拍：你真係唔好彩遇著我！
保安員真係「冇嘢做」？ 高學歷後生仔入行3年驚覺中伏 實Q同行吐苦水大爆超忙日常
港男暑期工做保安日行30層樓 苦嘆似軍訓：冇你哋諗得咁好做 前輩傳授搵筍工心得：你唔識揀盤啫
