假快遞短訊新招「扮貼地」？ 生硬奇怪口語一秒露餡 網民嘲不倫不類 意外拉響防騙大警號｜Juicy叮
發佈時間：11:06 2026-08-13 HKT
有網民近日收到懷疑假冒快遞公司的詐騙短訊，騙徒為博取信任，竟使出「扮貼地」新招，只是生硬的奇怪廣東話口語卻一秒露餡。網民瘋狂嘲笑其內容不倫不類，同時還意外拉響防騙大警號，提醒小心防範一重要事情。詳情見下圖及下文：
假快遞短訊新招「扮貼地」？ 生硬奇怪口語一秒露餡 網民嘲不倫不類 意外拉響防騙大警號逐張睇↓↓↓↓
樓主：一睇就知有問題
樓主昨天（12日）在社交平台Threads發帖，分享收到奇葩短訊的搞笑經歷。留言指：「成日收快遞嘅我，睇到都覺得好搞笑🤣句嘢佢想用口語化但一睇就知有問題🤣🤣。」
樓主亮出的截圖內容為：「您的包裹派送失敗，需重新確認地址。請快速撥打：2XXX-XXX8 預約耀件或安排放邊度。唔該晒！」
網民看後不但隨手找出錯處，且還揭開這類打著快遞公司旗號、試圖用廣東話「扮貼地」的短訊近日肆虐，不少人也收到類似的版本：
•「您的包裹派送失敗，需重新確認地址。請快速撥打：3XXX-XXX0 預約耀件或安排放邊度。唔該晒！」
•「您的派件因送貨員多次致電未能接通，暫未完成派送。請快速撥打：2XXXXXX5預約攞件或者安排放邊度。唔該晒！」
•「您好！您包裹就快到喇。請盡快聯絡快遞隊員: 2XXX-XXX0 預約攞件或者安排放邊度。」
不少網民留言指自己這幾天也收到同樣的短訊，懷疑全港市民都已被當成目標：「我都收過🙋🏻♀️」、「我今日都收到，一模一樣」、「我呢幾日都成日收到👀」、「係咪已經全香港人都收到🤣🤣」。
精明的網民分析指，這波的懷疑詐騙短訊，「終於唔係中間有一兩隻簡體字」，但騙徒的廣東話水平顯然半桶水，句式生硬奇怪，一寫便露出馬腳。
網民黑人問號：甚麼是「耀件」？
在眾多破綻中，最讓網民留意的，是短訊中的錯別字「耀件」：
•「我收到之後諗咗好耐耀件係咩」
•「我都收到，唔明咩叫『耀件』」
•「耀件係咩意思」
•「仲要寫耀件，得兩三句都有錯，口語又 kam（尷尬）」
•「我呢兩日都收到！心諗預約耀件係乜料😹😹詐騙都做得真啲吖」
有網民還指，廣東話的深奧成了港人天然的防護罩：「廣東話根本就係一個防騙 filter（過濾器）🤣🤣🤣」、「廣東話嘅精髓唔係係人都學到😂」、「其實用返書面語，可能呃到更多人」。
網民急點醒：唔好教精騙子
在肆意嘲諷的留言中，卻有網民人間清醒，拉響防騙大警號，提醒即使看出破綻也不要在網上具體指正：「我都收到，但唔想教啲騙子」、「唔好教精啲騙子 😂」，以免他們日後修正語法，令更多人防不勝防。
有網民亦好言相勸，指騙徒的進化速度極快，大家切勿掉以輕心：「唔好笑，詐騙集團啲學習速度好快，加上有啲人又真係好易畀人呃。」更有網民感謝樓主的分享，指可以「多謝你 share（分享）出嚟 update（更新）提醒騙徒手法」。
網民：故意打錯字背後藏兩大動機
此外，有心水清的網民詳細分析指出，大家笑歸笑，但其實詐騙訊息「故意打錯字和寫錯音」背後隱藏著兩大深層動機：
第一、篩選低警覺性受眾：故意打錯字是為了篩選出警覺性較低、容易上當的受眾，藉此提高溝通成效並節省人力成本。
第二、避開系統攔截：使用錯字或諧音字，能有效避開電信業者與系統的關鍵字過濾攔截。
不少過來人還現身說法，分享防騙和分辨真假快遞的「黃金法則」，指最安全的核實方法，是直接打開官方的手機應用程式查證：「你開返個快遞 apps，就分到真假啦～」，又或是親身到取件站查問。
資料來源：happynanani＠Threads
相關閱讀：
極致網購 將軍澳濕透快遞跌出「兩條嘢」 網民看清真身極錯愕：連「XX」都要買落嚟！？
送貨上門變打保齡球 派遞員爭兩步路都唔行 走廊拋包裹後影相交差
港媽「拼多多」買生果自提點私訊串爆：「你勁你連西瓜都買」 後續更惹火 網民竟撐店家無講錯
