手機無電陷「世紀大恐慌」 港女崩潰憶中環街頭借電落難記 感激好心人溫馨相助：這份溫暖記一輩子｜Juicy叮
發佈時間：13:00 2026-08-08 HKT
一名女子在手機沒電下陷入「世紀大恐慌」，崩潰憶述日前在中環街頭借電的落難記，同時感激最終有兩名好心人溫馨相助，強調「這份溫暖會記住一輩子！」詳情見下圖及下文：
手機無電陷恐慌 港女崩潰憶中環街頭借電落難記 感激好心人溫馨相助：這份溫暖記一輩子逐張睇↓↓↓↓
撲電撲線折騰半小時
樓主昨天（7日）在社交平台Threads發帖，講述自己在大熱天時「失聯」的驚險遭遇：「今天真的經歷了一場『手機 0% 電量』的世紀大恐慌 😭 因為手機冇電，完全聯絡唔到任何人，整個人慌到傻。」
為了能順利掃描二維碼（QR Code）租借流動充電器，她到港鐵站求助：「在中環地鐵站問 CS（客務中心），借到叉電插頭卻冇 Cable（連接線）。」去便利店「買到 Charger（充電器）但冇 Cable…… 」。
樓主續指「在大熱天時來來回回折返、問咗無數路人同舖頭，足足搞咗半個鐘，都冇人願意借少少電畀我開機去 Scan QR Code（掃描二維碼）借流動充電器。」
樓主事後在回應網民時抱怨，指當時便利店內一名女店員不但沒有幫忙，反而只想向她推銷：「我問咗幾次，開頭得個女人，佢咩都唔願意，仲同我講買個百幾蚊嘅 Charger 但唔跟線 🤦🏻♀️ 。」
靚仔店員借「私家嘢」 靚女陪同搵流動充電站
就在樓主陷入絕望、幾近崩潰的邊緣時，幸而讓她一次過遇上兩位「救命恩人」：
「第一位係便利店的店員哥哥，佢非常熱心，竟然願意借出佢自己嘅私家叉電器畀我搭著部機。」樓主透露，原來當時是「之後再問，先有個靚仔返工，佢先肯借自己嘅出嚟」，正是有了這位隨後上班的男店員，她才得以順利脫險。
同時，身旁一名素不相識的熱心路人，也讓她深深感動：「還有一位剛剛買完嘢嘅靚女，見到我咁焦急，毫不猶豫掏出佢嘅叉電器救火，而且在咁熱嘅天氣下，仲全程陪我行來行來去找流動充電站！」
樓主：多謝兩位無私幫忙
避過一劫的樓主事後依然激動不已，感慨「在這個冰冷又急促嘅城市裏，真心覺得『人美心善』這4個字係真實存在嘅！✨」
有網民看到這宗好人好事後大讚「好 Warm（溫暖）」，樓主隨即留言感嘆，當時內心除了拼命說「多謝」和「唔好意思」外，根本不知道該說甚麼好：「係呀，嗰下真係係咁講多謝，唔好意思，除咗呢兩句，唔知可以講咩。」
樓主也在帖文中直言，這份恩情會銘記一輩子：「多謝你哋兩位嘅無私幫忙，拯救咗我呢個陷入絕境嘅人，這份溫暖我會記住一輩子！祝你哋一生平安、幸福滿滿！」
在留言欄，有過來人分享相似經歷，力證便利店店員的熱心：「上次我都冇電，去咗問靚仔店員借嚟叉電，開機之後租尿袋😎」。
資料來源：kelz_tkiki＠Threads
相關閱讀：
大媽天星小輪偷電煲電話粥 1方法偷插船頂插蘇 水手接舉報咁處理
