車資$37.4乘客俾$40 一句說話惹免找誤會 醒目的士司機咁樣化解｜Juicy叮
更新時間：18:00 2026-01-09 HKT
發佈時間：18:00 2026-01-09 HKT
發佈時間：18:00 2026-01-09 HKT
字體大小
一名的士司機早前因為乘客付款時的一句模棱兩可說話，出現免找誤會，差點被對方以為撒賴唔找錢。幸而司機醒目應變快，才免卻一場可能出現的爭執。詳情見下圖及下文：
車資$37.4乘客俾$40 一句說話惹免找誤會 醒目的士司機咁樣化解逐張睇↓↓↓↓
樓主：我話誤會咗以為唔使找
樓主上月底在facebook群組「的士司機資訊網 Taxi」發帖講述誤會發生的經過，指「琴晚載個客到達目的地，車資$37.4，客俾$40同我講OK喇，咁咪講多謝等佢落車，點知等咗陣都唔落車，問佢做乜嘢，佢話唔使找錢呀，我話誤會咗以為唔使找，拿拿聲找返$3俾佢」。
樓主高情商的處理方式獲網民大讚，有網民認為乘客的「OK喇」確實容易引起誤會，樓主的應對方式堪稱「醒目」。但有網民提醒，應找回「2.6元」，而非3元，實情找多了。
資深的哥：係咪都做摷錢動作先
也有資深的士司機在回應時分享處理類似情況的經驗，其中一人教路，其個人做法是「係咪都做出摷錢呢個動作先」，如果乘客需要找續，「一定會定格等埋你」，若毋須找續，「多數擺低錢就頭也不回執嘢走」，即使乘客動作慢，若遞錢給他他也不會接，或會直接說「唔洗喇」。
有行家附和「我次次都攞隻手喺個散紙兜度執緊散紙，個客唔收，個客就會走咗，要找嗰啲乘客一定坐定定喺度等你找埋錢先起身，所以唔會誤會」。
網民：我通常講收$40
另一行家也認同此做法，強調「就算要找9毫，我都慣咗摷緊9毫先，通常啲客都話唔使㗎喇，就算係（要找）就照找9毫，唔好俾人有位入」。
有網民則以乘客身分留言，指「我通常講收$40，然後司機會講多謝，未試過有誤會」；有人則批評涉事乘客，直言「係個客表達能力有問題啫」。有網民於是出來主持公道，稱「正常者，找足係應份，俾多咪多謝」。
相關閱讀：
反常舉動救長者一命！青衣的士司機拒收錢趕客「快啲走」 乘客家屬發帖尋人：想親口多謝你
的士司機急尋一家三口致謝 獲贈「咁多」小費渡人生低潮 網民眼濕濕：保留住先當護身符
最Hit
港鐵站時裝店清貨減價現搶購人潮 港人好奇「點解開到咁多年？」 網民拆解1原因屹立20年不倒
2026-03-02 16:18 HKT
劉馬車踩場大鬧九記牛腩！怒罵35分鐘直斥「香港飲食界之恥」 老闆忍火報警處理
2026-03-03 13:41 HKT
回南天極潮濕！這品牌「古董級」抽濕機獲讚襟用 港人用足20年：真係世一！
2026-03-03 14:36 HKT
中電消費券2026 |3月起派$100消費券 兩類家庭受惠 一文睇清資格及使用方法！
2026-03-03 17:05 HKT
深圳開電話卡陷阱！港男深圳灣口岸被呃¥720 官方職員教一招睇穿｜Juicy叮
2026-03-03 13:29 HKT