尖沙咀奇葩公廁 只能開細 不能大便 網民：好好生意㗎｜Juicy叮
更新時間：18:00 2025-11-17 HKT
發佈時間：18:00 2025-11-17 HKT
發佈時間：18:00 2025-11-17 HKT
字體大小
尖沙咀有一個廁如其名的奇葩廁所——金巴利道尿廁，這個尿廁僅得男界，內裏只有尿兜而沒有馬桶，只能小便不能大便。有熟知行情的有網民爆料，指這尿廁「好好生意㗎」，但也有網民曾不幸地目睹有人在內違規開大。詳情見下圖及下文：
尖沙咀奇葩公廁 只能開細 不能大便逐張睇↓↓↓↓
相關閱讀：畢業生土瓜灣見工驚見奇葩廁所 3個馬桶排排坐 網民嚇壞：幼兒園式設計
樓主：只得開細嘅公廁但位置好
樓主本月13日在社交平台Threads以「馬路的事」為題，上載相片發帖，留言指這個金巴利道尿廁「只得開細嘅公廁，但位置好，應該救過不少職業司機」。
雖然尿廁的字面已說明的廁所的種類，但由於實在罕見，有網民也不厭其煩地細意查問「係咪無得屙屎？」，獲樓主現身回應「係，只可以開細。
相關閱讀：港男遊日去廁所𢲷爆頭 奧方 VS 殿方 邊個先係男廁？ 結局大出奇：日本大媽都入錯
網民：見過有人喺尿兜大便
有熟知行情的網民指，「呢個廁仔去過多次，好好生意㗎！」；但也有人稱「呢個廁所冇馬桶得尿兜，我見過有人喺個尿兜嗰度大便」，樓主於是現身作出批評，指「咁冇公德心」。
另有識貨的網民表示「呢個廁所有過百年歷史」，樓主驚訝地指「咁犀利」。網上資料顯示，這尿廁於1924年興建，之後改建成與變電站同體，算是「百年老廁」。
而根據食環署資料，金巴利道尿廁位於金巴利道與柯士甸路交界，全日24小時開放。
資料來源：chan.waikeung.7＠Threads
相關閱讀：雙塔廁所嚇窒港女 睇樓遇上特色盤：幾平都唔想租 網民解鎖用法大讚設計優點多↓↓↓↓
有港女早前睇樓時遇上特色盤，被雙塔式的廁所設計嚇窒，表明「幾平都唔想租」。但這奇葩手洗間卻獲網民解鎖用法，大讚設計優點多多↓↓↓↓
最Hit
