減價時段仍收正價 將軍澳街坊追討5元差額 菜檔辯稱剛換價錢牌 職員出一招企圖打圓場｜Juicy叮
發佈時間：15:42 2025-11-04 HKT
有將軍澳街坊於坑口街市一菜檔買菜時，在減價時段內仍被收取正價，本來是15元兩份的，卻收20元兩份。公道的樓主向菜檔追討差額時，還被對方以價錢「牌啱啱先換」為由反駁。在樓主據理力爭下，菜檔職員竟出一招企圖打圓場......詳情見下圖及下文：
減價時段仍收正價 將軍澳街坊追討5元差額 菜檔辯稱剛換價錢牌逐張睇↓↓↓↓
樓主詳述有菜檔唔老實
樓主10月29日在facebook群組「將軍澳主場」上載相片作出控訴，指將軍澳坑口有菜檔做生意「唔老實」。樓主講述事發經過時指——
「今日我買咗2份菜15蚊，我俾咗張100蚊出嚟，阿姐竟然只係找返80蚊我！我即刻問阿姐：『唔係話15蚊2份咩？』阿姐就話：『個價錢牌啱啱換咗咋。』跟住個男嘅仲要加把口話：『你買嗰陣未換，我哋啱啱先換㗎。』我心諗：明明就係見到個價錢先買㗎！我直接同佢講：『唔係嘛？唔係啩？個牌你唔係啱啱換㗎喎！』」。
樓主續稱「之後阿姐打圓場，叫我揀多份菜，話20蚊3份喎。但我真係唔想要3份囉，最後佢只好找返5蚊俾我。點解街市成日都俾人感覺係唔老實呢？明買明賣，老老實實做生意好難咩？瞓唔醒嘅人真係唔好落街市買嘢呀！你唔好同我講『5蚊之嘛，咁平就算啦』，5蚊唔係錢咩？你試下去街市買嘢欠5蚊呀，睇下有冇人會同你俾埋！」。
有回應的網民力挺樓主，指「我諗好多人都有呢啲經歷，唔使俾面佢哋，大聲鬧佢，以後唔會再幫襯」；另有人稱列入「黑名單」認住，「以後唔幫襯佢，咩仇都報返」。
相關閱讀：香港仔大叔買啤梨嫌唔甜 10日後攜梨退貨 職員無奈 以這「4字詞」教食啤梨
網民街市常遇找錯錢
接著，不少網民自爆在街市遇上的被搵笨經歷，當中不少案例是找錯錢：
•我試過俾張50蚊佢話我俾咗張20蚊；
•我上次俾張100蚊佢佢話我俾咗50蚊佢；
•十幾年前已經係咁，俾張50o蚊佢話我俾張廿蚊；
•我上次買菜買到要報警，我俾張100蚊佢，佢話我俾咗50蚊佢，最後入去控制室睇閉路電視都睇唔到，但之後一日嗰個檔主就賠返錢俾我；
•試過俾$100，找錢。但係其中一張係人民幣10蚊，當20蚊找，仲要係夾喺中間俾你；
•牛池灣露天街市有個賣菜都係咁，所以我一定會企定數清先行開，一步都唔會走。一唔啱立即大聲，等佢無得賴。
相關閱讀：沙田菜檔老闆爆賣菜好搵 揭街市「咁高」日薪請人：「肯做有幾層樓收租！」
另外兩個例子則與椰菜和韭黃有關：
•都唔夠土瓜灣街市唔老實，我買5個椰菜，居然收我$99蚊，然後俾$100佢，佢又唔找錢，1蚊膠袋費，然之後我傻吓傻吓返到屋企，屋企人先話點解咁貴？
•我都試過，呢檔買韭黃，$8/4兩，我見太少，就買夠$12，點知阿姐扮加咗一執落去，到入袋時再拎一執大執出返來 （即仲少過原先$8） ， 我見到即刻話佢唔可以咁唔老實！ 阿姐話返我俾多我！我即刻拎返錢唔幫襯！雖然久唔久先買一次餸，客係生，檔口係死，唔使咁樣呃生面口客人，唔食一餐都唔會死！
資料來源：LG Ling＠facebook將軍澳主場
相關閱讀：荃灣街市驚見「同歸於盡」菜價 3斤菜標「這個價」震驚網民：天哪，這物價！↓↓↓↓
有網民在荃灣街市驚遇菜檔高調掛牌，標示「同歸於盡」的菜價，引起網民關注，不少人感震驚：「天哪，這物價！」「比深圳便宜！」「求定位，真係抵呀！」↓↓↓↓
