旺角美容院2女1男街頭大戰阿叔：「佢食霸王餐呀！」情節耐人尋味掀議｜Juicy叮
發佈時間：10:59 2025-10-21 HKT
旺角街頭有大叔與2名短裙女子及1名男子，當街大混戰，4人糾纏嘶叫吸引不少途人圍觀，其中一名女子向途人聲稱為美容院員工，指稱該大叔「食霸王餐」，另一名女子更即時從袋中大派「騙子」傳單，似有備而來，事件耐人尋味掀起網民熱議。
現場為旺角彌敦道，有網民拍下當時過程如下：
旺角美容院2女1男街頭大戰阿叔：「佢食霸王餐呀！」情節耐人尋味掀議↓↓↓↓
有關事發影片於本周日（19日）於網上流傳，片中開頭大叔與1男1女於旺角彌敦道街頭爭吵，期間女子大喊：「畀返個電話我呀！」
大叔拒絕怒喊：「去旺角警署！」揚長而去，女子上前欲奪回電話，她一度扯實大叔並喊叫：「搶電話呀！痴線！」大叔大力甩開女子說：「去旺角警署！」女子以手掩耳大聲尖叫，狀甚驚恐。
「呢個無賴，周圍呃錢......衣冠禽獸......」
這時有另一名女子加入，兩女一同上前扯實大叔不放，其後另一名男子再加入，4人在街頭互相拉扯混戰，女子不斷尖叫大喊：「搶電話呀！有人搶電話呀！」大叔則大叫：「救命呀！救命呀！」4人大亂鬥吸引現場不少途人注目，但沒有人上前協助。
2女一男一度佔上風，大叔雙手分別被3人抓著，男子隨即要求大叔交回電話，但大叔狂爆粗口後，忽以猛力成功掙脫，未幾2女1男又再度死命扯實大叔，4人糾纏混戰，更走出馬路，大喊大叫，路過途人紛紛投以注目禮。
「我投資30幾萬，（佢哋）一分錢唔畀我......」
最後大叔手上的電話似被2女1男奪回，大叔向男子說：「依家攞返啦，咁點先？」男子怒斥：「咁你打我一拳，點計呀！」眾人情緒激動，其中一名女子大叫：「報警！」並隨即在跌在地上的手提袋中拿出一疊傳單，印有疑似大叔樣貌，向途人派發：「呢個無賴嚟㗎！買嘢唔畀錢！嗱，畀你哋睇吓！......認住佢，認住佢呢個無賴！......呢個無賴，周圍呃錢......衣冠禽獸......」
大叔這時埋首打電話，初時未有理會，當講完電話，即大聲向拎取傳單途人說：「我投資30幾萬，（佢哋）一分錢唔畀我......我投資咁多落去呀......我要報警呀！......」他說完即致電狀似報警。
「幫佢做護膚，或者養生排毒呢啲囉......」
另一名女子這時又走近拍攝者，說出事件的第三個版本：「佢食霸王餐呀！攞完啲嘢唔認，之後話返嚟退錢，我哋話退唔到......」
有途人問她們是否食店，她表示：「我哋買服務嘅，佢用完，話唔啱用，半年（後）要返嚟退錢，報咗兩次警㗎啦！」
有途人問她們是什麼服務，她說：「幫佢做護膚，或者養生排毒呢啲囉......」
網民紛紛熱議事件，對爭執原因感耐人尋味：「係咪似畀人呃咗上去美容，join咗course，要求退錢？聽到個女仔話用咗要求退錢，報咗兩次警，做美容要著晒短裙......好可疑。」「點解會有個男人個樣，喺度追緊債？」「班美容老千遇到辣客？」「大家小心，香港油尖旺街頭好多，而且對途人死纏爛打，用咩問卷，填紙仔方搭訕式去騙人參加美容、健身、保險、投資。」
來源：mkcase__＠Threads
同場加映：蝴蝶結女旺角街頭瘋狂腳踢拳打男友 失控掟鞋大喊：我係癲婆！圍觀者欲救男友：幫你報警好唔好？↓↓↓↓
