巴士大媽手機太大聲被阻舞手機欲打車長 兩番圖施襲 車長：「香港嚟㗎，有文化㗎！」｜Juicy叮
發佈時間：14:05 2025-10-14 HKT
有網民昨日（13日）搭乘九巴通宵巴士，目睹一名大媽因手機太大聲被車長勸阻，竟然爆粗怒罵，更先後兩次揮舞手機欲拍打車長，車長面對惡死大媽無奈表示：「香港嚟㗎，有文化㗎！」
涉事通宵巴士為九巴N73線，來往落馬洲及沙田市中心。
巴士大媽手機太大聲被阻舞手機欲打車長 兩番圖施襲 車長無奈：「香港嚟㗎，有文化㗎！」↓↓↓↓
有網民昨日（13日）在社交平台發片發帖分享當時情況，巴士車長將車停在粉嶺和興村巴士站，然後要求一名手機太大聲的女乘客「唔好播野/細聲啲」，但換來該女乘客粗口狂罵。樓主在帖文中表示：「對住巴士廢老，不得不讚下司機嘅脾氣，好聲好氣叫佢細聲啲都要比人Ｘ。」
樓主在影片中表示：「司機好心行埋嚟叫佢電話細聲啲都要Ｘ，發Ｘ晒癲。」樓主強調：「全車人都無人鬧過佢，佢就不斷用粗口鬧人......無人用粗口鬧佢，佢情緒太唔穩定。」
揮舞手機：「你再嘈！......唔使返工......」
影片見到有兩名車長在車廂內好言相勸，但涉事大媽女乘客非常激動，手舞足蹈地指罵車長：「大聲細聲，呢個又話細聲，我依家細聲囉！」其中一名車長提醒她有乘客正在拍攝：「你被人影緊啦！」
大媽更加怒火中燒，語話有點語無倫次：「我一句聽電話啦！」這時，另一名相信為駕駛涉事巴士的車長，則向另一乘客大吐苦水：「我話畀你聽啦，我唔想話你。」有乘客對於車長埋站停駛的行動表示諒解：「我知道，個個想返屋企。」
車長解釋：「我梗係啦，（埋站停駛）我有好處㗎，知唔知啦。」大媽聞言顯得極為激動，竟雙手拿手機大嗌後大力向前篤，隨即揮舞手機擊向前方：「你再嘈！......唔使返工......」由於與車長有段距離，未有打中任何人。
咒罵車長：「扑Ｘ街......一定扑Ｘ......」
負責駕駛涉事巴士的車長隨即著另一名車長下車離開，大媽這時未有收火，更加兇狠地爆粗咒罵車長：「扑Ｘ街......一定扑Ｘ......」
車長未有理會大媽，似乎願意繼續開車，但向另一名乘客呻道：「如果再有下次係咁，我一定玩大佢！」車長走向駕駛座，終忍不住向破口大罵的大媽說：「睇到晒㗎嘛，如果我唔啱，啲客會鬧我㗎嘛......我走過嚟好正常，係咪？我走過嚟，佢即刻鬧我！」
大媽卻絲毫未有悔意，繼續罵道：「你啱晒啦！Ｘ你老母！Ｘ街！」車長非常無奈向大媽說：「你睇吓你。」
車長：「你睇吓你」 大媽又揮手機擊打
大媽這時激動地又拿起手機，大喊一聲隔空向車長揮打過去，隨即連珠炮發向車長謾罵，車長再度轉身無奈地向大媽勸說：「香港嚟㗎，有文化㗎，知唔知呀！」
事件引發熱烈迴響，有曾搭乘該路線的網民認得涉事車長，大讚該車長平日「超有禮貌」，不少人大讚車長面對橫蠻乘客，仍表現克制專業，循循善誘：「司機真係好忍得又斯文大方，最正嗰句，香港嚟架。」「香港嚟㗎，有文化㗎～～唔該置頂。」
網民：「香港嚟㗎，有文化㗎～～唔該置頂」
不少網民指出，大聲播片嚴重影響車長駕駛，對全車乘客構成危險：「真係會影響司機揸車，全車人都會有危險。」「打擾到司機，犯法㗎啊。」
九巴乘客須知列明，應為其他乘客設想，不應在車內作出令其他乘客感到煩擾的行為（例如高聲談話、剪指甲、大聲播放流動設備音響、用腳頂著前面椅背或將腳踏在座椅上等）。此外，嚴禁使用任何恐嚇、侮辱、辱罵或不恰當的言語或動作，或以任何其他方式騷擾車長或車廂內之乘客。
來源：chiujai_1218＠Threads
同場加映：罕見！機場4女偷上巴士等開車「這尊容」嚇車長 目擊者：司機嚇到彈咗一下 後續更離譜↓↓↓↓
