職場失意裸辭 母親7字真言感動 港女喊爆：後悔為咗份工忽視媽媽｜Juicy叮
發佈時間：11:32 2025-10-06 HKT
有港女因為工作影響情緒而決定裸辭，做法獲母親力撐。失業下聽到媽媽暖心的7字真言更加崩潰痛哭，「後悔自己一直為咗份工忽視咗最錫自己嘅人」。網民對此大受感動，羡慕樓主「真幸福」。詳情見下圖及下文：
職場失意裸辭 母親7字真言感動 港女喊爆：後悔為咗份工忽視媽媽逐張睇↓↓↓↓
相關閱讀：月入6萬中年IT男失業 一家之主愁坐食山崩 網民心酸集氣指點生路
樓主：份工太影響情緒而裸辭
樓主昨日（5日）在社交平台Threads以「失業」為題發帖吐露心聲，留言指「上兩個月因為前一份工太影響情緒而裸辭咗」。
樓主接著自爆「老母聽完，第一個反應就係：『好啊，唔好做啦，屋企養得起你呀。返工返到自己咁唔開心唔值得。好好地休息下，人生都好少有呢啲可以舒服休息嘅時間，仲有多啲時間可以陪吓我添～』」。
樓主續稱「聽完之後我喊到成隻狗咁，後悔自己一直為咗份工忽視咗最錫自己嘅人，同埋覺得自己有咁好嘅屋企人真係好好彩」。
相關閱讀：減薪4位數字轉新工 中年打工仔一原因勁感恩 同路人：少5日大假都肯做
網民羡慕樓主：真幸福
回應的網民似乎也被為人母親的這一夕暖心說話感動到，羡慕樓主地指「真幸福」、「屋企永遠最大的支援」、「無盡嘅愛，祝你一家生活愉快」。
有人卻顧影自憐，稱「你哋就好，我一辭職就會有說話聽」、「你就好啦，我有病，是爆血管，全世界都叫我快點返工」、「好羨慕屋企人會講呢啲嘢。星期五啱啱last day一返到屋企阿媽已經話搵唔到ft就搵pt（兼職）利申已經一16歲就搵pt返，大學畢業後都即刻返ft（全職），呢5年嚟都無點試過唔返工多過一個月」。
在回應網民的「每一個父母都唔想仔女受苦，但係就係要受苦先知幸福，你係幸福嘅人」回應時，樓主現身留下至理名言「係， 經歷完呢件事之後，唔會再將任何嘢排喺屋企人前面」。
資料來源：laiyingpoon＠Threads
相關閱讀：打工10年手持$133萬 32歲港男因職場一事擬裸辭「微退休」 網民意見兩極↓↓↓↓
一名有133萬元儲蓄的32歲港男，因為職場一事，有意來個人生的「中場休息」，計畫裸辭自製悠長假期「微退休」。網民對此意見兩極，有人提醒謹記「條路自己揀」↓↓↓↓
