「大頭蝦」提款後忘記領取 路人目擊櫃員機「食錢」 網民列重要原因：千祈唔好掂｜Juicy叮
發佈時間：10:56 2025-10-04 HKT
有 「大頭蝦」提款後忘記領取，路人從旁目擊櫃員機整個「食錢」過程，一度自責「發現嘅時候條友已經走咗，難幫」。回應的網民則列出重要原因，提醒在這情況下「千祈唔好掂」。詳情見下圖及下文：
「大頭蝦」提款後忘記領取 路人目擊櫃員機「食錢」 逐張睇↓↓↓↓
網民分享忘記拎錢經歷
樓主早前在社交平台Threads上載短片發帖，留言指「親眼見倒有條友唔記得攞錢就走咗，之後部機吞咗錢，我發現嘅時候條友已經走咗，難幫」。
短片長約4秒，見到櫃員機已吐出至少1張100元鈔票，鈔票下方位置正閃著綠燈同時發出「嘟」的響聲，不久，綠燈熄滅後，百元鈔票便被櫃員機吞回，鈔票出口緊緊關上銀色的閘門，現場回復平靜。
不少回應的網民原來也是「大頭蝦」，各自講述提款後曾經忘記領取的經歷：
•我試過一次，嗰陣一邊撳錢一邊諗緊其他嘢，結果去到第2日食飯，見自己銀包得返$200（撳咗$1000），諗返先發現自己係無拎到錢！
•我試過無拎錢，因為當時發生咗啲事個人失咗魂，我一直都唔知+唔記得自己無拎錢，直至幾星期後銀行無啦啦俾返錢我，先記起。
•我試過有次撳完ATM（櫃員機）無拎$500，直到一星期後上ebanking check（網上理財查數）數見到 -$500 +$500，先記得咗自己撳完$無拎。
•我都試過，無攞錢但攞返卡人走咗，銀行後來有俾返錢我，好彩。
有人更加乘機大呻「之前俾人拎咗$100」、「我試過俾人拎走咗，偷咗」。還有人記得「細個見過有人唔記得拎，隔離機個阿叔見到就咁喺側邊伸隻手去拎咗啲錢」。於是有人強調「唔好貪小便宜拎，有cam（閉路電視）」、「唔係自己嘅嘢永遠唔好攞」。
相關閱讀：太和ATM機提款竟自動彈去轉帳頁面 前排男1行為勁可疑 街坊揭疑險遇騙：老人家隨時中招
網民：唔使幫㗎
對於樓主提到「難幫」，不少網民在回應欄寫下經驗之談，指「唔使幫㗎，啲錢會自動返去佢戶口」、「唔好拎走係最好，銀行會跟到」、「作為銀行職員想講每次都多得攞出嚟嘅人唔少」、「啱呀，唔使幫唔使理，大約一個星期啲錢會去返事主戶口」。
因此原來其實樓主已幫了忙——「等部機食返啲錢就係幫咗佢啦」、「吞返咪啱囉。。。，你幫手睇住唔俾其他人攞已經係幫咗啦」。
而綜合網民的說法大都是「由佢吞返就係最好」、「等部機吞返錢係最好嘅處理方法」、「食返之後過幾日會自動入返佢個戶口」、「試過，部機自己食返過兩日會入返戶口」、「吞返啲錢咪好囉，銀行知道有紀錄㗎嘛」、「正確做法就係等佢食返，會入返戶口度，我試過幾次」。
相關閱讀：罕見！港鐵站ATM機撳到「不完整」紙幣 港女嬲爆：連銀行職員都唔信 最後咁處理
網民：千奇唔好掂
有謹慎的網民更加提醒「千祈唔好多手幫佢攞」、「千奇唔好掂，拿屎上身」、「千祈唔好掂、掂襯你大Ｘ鑊」、「掂也有麻煩，影住俾佢食就最穩陣」、「呢啲唔好多手，到時話少咗張就大鑊」、「你咁樣做係最好，只要喺過程中，睇住唔好俾其他人攞到就得，萬一攞咗，分分鐘惹禍上身」。
另有好奇的網民查詢「好想知要幾耐時間佢會吞返個錢入去」，有人則回應「我估1分鐘左右，因為上星期我試過追出去追個叔叔叫佢返嚟，嗰度係上落電梯，佢上返嚟一層大約30秒度，我睇到佢走嗰陣又係30秒左右，佢上到嚟啱啱部機吞返啲錢」。
資料來源：c.kei_＠Threads
相關閱讀：港鐵站ATM提款離奇被搶 港男1方法撳錢身後女子藉此搶走：啲錢唔係你！網民：知識唔夠？↓↓↓↓
有網民7月底在港鐵站恒生銀行ATM提款機，目睹一幕離奇搶錢事件，有男子提款後，被身後女子即時伸手搶去，女子更理直氣壯大叫：「啲錢唔係你嫁喎，你都冇插卡！」事件起因與港男以無卡提款有關。
事件引發爭議，有網民指女子「知識唔夠」，但有網民則懷疑她「乘機偷錢」，有人更聲稱已透過電子報案中心，代事主向警方報案↓↓↓↓
