颱風樺加沙｜山竹襲港「受害者」教防水5絕招 免水淹家居：忘記當日慘況嗎？｜Juicy叮
發佈時間：11:28 2025-09-21 HKT
超強颱風「樺加沙」撲港，市民提高防風警覺。有2018年時領教過另一股超強颱風「山竹」威力的「受害者」，近日在網上上載當年的滲水慘況警世。網民集思廣益，總結出5大防水絕招，以免重蹈覆轍。詳情見下圖及下文：
颱風樺加沙｜山竹襲港「受害者」教防水5絕招 免水淹家居逐張睇↓↓↓↓
露台水浸窗戶滲水
樓主甲今日（21日）凌晨在社交平台threads上載當年「山竹」來襲時，露台水浸並滲水入屋的短片發帖，留言指「2018（年）『山竹』我屋企嘅小泳池，8個窗不停入水，不停抹地個8小時」。
回應的網民在深表同情下教路預防，稱「我係你嘅話今次會綁定一塊高過欄杆嘅防水布然後揈出去」；樓主甲現身回應，解釋「最主要係大風，雨水從罅隙進入，無法封死」。
樓主乙昨日（20日）下午則以「颱風」為題在threads發帖上載當年窗戶嚴重滲水的「急救」相片，留言「呢張係2018年『山竹』襲港，因為遇著天文大潮，結果，唔止屋外水浸，連窗都頂唔順入水，真心希望今次樺樺唔好咁勁，pls（please，拜託）。#忘記了當日慘況了嗎？#打風都係天災啊！」。
防水5絕招
面對如此狼狽的家居漏水事件，回應的網民「應該沒有忘記了當日慘況」，集思廣益，熱心分享自己的防水心得，以免重蹈覆轍——
一．
「我試過喺窗外面舖一層膠布，擋一擋啲風無咁應，啲水唔會吹入屋」、「其實有啲似用浴簾原理，只要你有少少位卡一卡個簾底，大部份啲水唔會直接吹入屋會流返出面」、「在舖一層膠布好似浴簾咁擋一擋，等啲水唔會直接吹去露台？」。
二．
「露台位有個去水，清一清先」。
三．
「尿片吸水能力強，可以用膠紙反貼門窗罅隙，的確有啲成本，但係唔洗成晚拖地抹地，扭毛巾到手痛」。
四．
「在門口位放隔水板，廚房隔水那種」。
五．
「跟住拎晒啲毛巾同舊衫狂攝先力保不失，所以真係要預備定多啲毛巾同舊衫」；樓主乙自己亦指「自從『山竹』之後，每次打風，準備舊衫褲、尿袋充好晒、蠟燭備用、食物備好，係我必做嘅事」。
天文台：周三吹烈風至暴風 離岸及高地可能達颶風
香港天文台今早11時30分更新的「特別天氣提示」指，「按照目前預測，超強颱風『樺加沙』會在未來一兩日繼續增強，橫過呂宋海峽一帶並進入南海北部，逐漸靠近廣東沿岸。雖然星期一本港天色短暫好轉及酷熱，但海有湧浪。星期二稍後天氣開始轉壞，星期三吹烈風至暴風，離岸及高地可能達颶風，天氣惡劣，有狂風大驟雨及雷暴，海有非常巨浪及湧浪。由於受顯著風暴潮影響，屆時沿岸水位可能與2017年的『天鴿』及2018年的『山竹』相若。市民請密切留意天文台的最新天氣消息，並儘快做好一切防風、防水浸準備」。
資料來源：tsang_tsang9up＠threads、kathydoraemon2＠threads
相關閱讀：颱風樺加沙｜超強颱風來勢洶洶 網民憶「山竹」災情 抽氣扇、屋頂橫飛 爬樹返工↓↓↓↓
面對這個來勢洶洶的「樺加沙」風暴，網民紛想起2018年9月16日襲港的另一股超強颱風「山竹」，各自憶述當年親身經歷的災情↓↓↓↓
