4人飲茶被收8位錢 港女揭沙田酒樓「咁計」茶位易多收1倍 繁忙時間最高危｜Juicy叮
更新時間：16:44 2025-09-17 HKT
發佈時間：16:44 2025-09-17 HKT
發佈時間：16:44 2025-09-17 HKT
字體大小
有港女與家人共4人到沙田一間酒樓飲茶，埋單後回家後才發現，酒樓重覆收多了4位茶錢，變相4位收了8位錢。
她其後聯絡酒樓獲退款，但酒樓經理透露該酒樓計茶位的方法，令港女感到這種計法，在繁忙時間容易出錯多收，於是出帖呼籲網民留意：「記得埋單前check清楚，以免俾多咗錢。」詳情如下：
4人飲茶被收8位錢 港女揭沙田酒樓「咁計」茶位易出錯 繁忙時間最高危↓↓↓↓
有網民在「沙田之友 (Shatin Fans)」FB專頁發帖表示，她與家人一行4人日前到沙田新城市廣場一間酒樓飲茶，「回家再仔細看收據，才發現重覆收多了4位茶錢，變相4位收了8位錢」。
樓主展示的單據發現，該酒樓每位茶位收費8元，4人應收茶位費共32元，但收據顯示重覆兩次收取32元茶位費。
她致電該酒樓查詢，「職員也很有禮地溝通，並且迅速回應可以拎返張收據返去退回$32」。樓主強調，出帖不是公審該酒樓，因為酒樓回覆時亦有禮並樂於溝通提供協助，而是志在提醒網民。
網民：呢啲就係博你唔睇單
樓主指出，該酒樓職員解釋重覆收茶位費的原因，與他們計茶位方法有關，原來該酒樓在茶客入座及離開時，都會由不同職員計一次茶位費：「職員解釋因1入坐通常同事會先計茶位入機，到結賬時另1同事會再睇多次張單再計茶位，所以如果繁忙時間有機會出錯。」
樓主說自己付款時一直都有對單，但今次「真係一時睇漏眼，返到屋企再睇先見到，好在打返去成功退錢，所以真係要金睛火眼」。
樓主提醒網民埋單前一定對清楚，尤其繁忙時間，「以免俾多咗錢」，樓主其後亦確認已在酒樓收回退款。
網民紛紛留言熱議酒樓計茶位方法，有網民亦認為酒樓這計法，容易重覆收茶錢，呼籲「俾錢一定要睇單」，「搏啲人唔睇單，每日有10個冇睇或單者睇咗由得佢嘅佢咪袋多你$320」，「呢啲就係博你唔睇單」。
有網民亦指，一些茶客甚至無拿單據，最容易中招：「好多人飲茶埋單都唔睇單甚至唔拎單，點知會畀酒樓收多咗錢啫」。
同場加映：旺角連鎖酒樓要收「黑雨價」掀議 點心茶位加「咁多」 茶客投訴畀錢先知 經理回應咁解釋↓↓↓↓
最Hit
打風？｜呂宋低壓區正醞釀成颱風？日韓氣象廳路徑圖料撲香港 周日最接近
2025-09-16 17:31 HKT
均香餅家又惹負評？港人狠批限定店衞生問題 店員戴同一手套收錢+搓糯米糍 網民：見到都冇晒胃口！
2025-09-16 15:54 HKT
港男豪裝公屋天價還原？14處改動還原開支高達「呢個數」 網民震驚：將公屋改到私樓咁｜Juicy叮
2025-09-15 14:48 HKT
