接收丟空1年單位 公屋樓下冷氣口向上吹 地下勁發霉戶主愁爆 網民教路一招搞掂｜Juicy叮
發佈時間：12:56 2025-09-01 HKT
單位樓下冷氣向上吹致地板出水甚至發霉，是不少人的家居煩惱之一。有公屋住戶剛接收丟空1年的單位，睇樓時發現地下發霉，不知如何處理，於是上網求教網民。詳情見下圖及下文：
接收丟空1年單位 公屋樓下冷氣口向上吹 地下勁發霉戶主愁爆逐張睇↓↓↓↓
樓主：睇樓時房署話依度發霉
樓主今日（1日）以匿名身分，在facebook群組「公屋討論區 - 香港facebook群組」上載相片發帖向網民查詢：「睇樓時房署話依度發霉，是樓下冷氣風口向上造成，請問我可以點整可以防止再發霉呢？P.S.因為太多個人資料所以匿名，唔好意思」。
相關閱讀：公屋單位裝N部分體冷氣 誇張奇景塞爆窗 房署調查後採ＸＸ行動
樓主在回應欄透露更多細節：
•網民Ａ：我都係咁，樓下冷氣開得勁，我地下成灘水。
網民Ｂ：我都係咁嘅情況，地板經常有一攤水，就好似大回南天潮濕咁。
樓主：房署話一係同下面單位溝通下，一係你要開抽濕機。
網民Ｃ：抽濕機會令到更加多水，最好方法係開返冷氣。
•網民Ｄ：翻新完都咁樣⋯
樓主：翻新完無事，個單位丟空咗1年先派到俾我。
樓主：個單位真係丟空咗成年先派到俾我。
相關閱讀：大圍公屋熱廚房裝冷氣 涼浸浸惹人羡 網民疑有內情兼違規 房署咁回應......
•網民Ｅ：唔要，鋪咗磚，個位長期濕。
樓主：要咗，其他配套幾好。
樓主：單位我要咗，其他配套幾好，3x年樓，「第一派低層，依次係第二派高層，又近屋企人，小朋友唔使轉校，不過淨係依個位發霉，其他地方無影響。
•網民Ｆ：第幾派？邊區？
樓主：二派，東區。
網民Ｇ也遇上同類情況，順道上載相片一呻：「我樓下嗰家又係咁，我試過落去同佢傾，佢話佢怕凍，所以將個冷氣吹去天花板，crazy（瘋狂），我屋企係磚地，俾佢噴到濕晒，我試過睇唔到有水，係屋企跣親」。
網民：冷凝水問題
於是有類似經驗的網民熱心教路處理方法，有人使出一招即搞掂：「我之前都係咁，冷凝水問題，因為樓下開冷氣可能向住個天花，而你個單位就一直丟空，溫差問題，現在啲屋樓與樓之間嘅隔閡薄，好多都會出現呢個問題，你入住之後一齊開冷氣就唔會有事。我當時問過裝修師傅問題不大，現在入住半年冇咩特別問題」。
相關閱讀：樓下冷氣太勁令地板出水 隨時家具發霉兼令人跌倒 3招自救有辦法
另有人細心分析，並詳列6大要點：
1. 你會鋪地磚，地面發霉都唔影響你。
2. 呢個位會做櫃的話，你唔會行到，都唔會跣親你。
3. 長期開冷氣，當你屋企溫差同濕度同樓下差不大，就唔會出現冷凝水。
4. 長期開抽濕機，已經抽晒，就唔會出現地面冷凝水。
5. 將呢個area（區域）鋪少量duct insulation（管道保溫），有黑色同銀色個啲款，其實就係保溫同隔熱效果，可以阻住冷凝水出現。不過好樣衰㗎。
6. 叫樓下將個風口撥向下／唔好開冷氣。
相關閱讀：冷氣機出風口咁樣安裝 單位離奇倒轉地球 網民睇真啲即時爆笑：益街坊↓↓↓↓
網上社交平台facebook和Threads今年7月流傳一張看似平平無奇，疑似是公營房屋外牆的照片，相中的單位正在窗外晾曬被鋪。但當網民細看相片，細品當中的冷氣機後，卻即時發出爆笑聲↓↓↓↓
