蠱惑的士司機以一手法疑找少$100 乘客落車不足30秒即發現追唔返 自責：真係蠢咗｜Juicy叮
發佈時間：16:01 2025-08-29 HKT
搭的士找錢時真是要打醒十二分精神，有蠱惑的士司機近日懷疑以一手法找少100元；涉事乘客落車不足30秒即發現找少錢，但已追不回，在網上發文時自責「真係蠢咗了」。詳情見下圖及下文：
蠱惑的士司機以一手法疑找少$100 乘客落車不足30秒即發現都追唔返逐張睇↓↓↓↓
樓主：司機仲惡過我 話無可能找錯
樓主本月24日在社交平台Threads發帖，講述懷疑遇上蠱惑的士司機的經歷，指「個司機找錢，找少咗100蚊。個司機係將錢摺埋出，我沒有馬上看，手上好多嘢，接咗錢就落車。我落車唔夠30秒已經聯絡返司機話找少咗，個司機仲惡過我，話佢無可能找錯」。
樓主：司機摺住出錢
樓主續稱「我身上一張$100都無，一打開疊錢就見到少咗，已經即刻call（打電話）返佢。司機摺住出錢，係想乘客手上一堆錢，唔方便打開數又趕落車？連$100都要呃，會有報應㗎。你呃得我$100你就嘔返好多個$100出去」。樓主自責「蠢就蠢在當下（無）即刻數，太相信人，但唔代表你可以呃人錢囉」。
相關閱讀：的士司機攔截網約車疑騷擾遊客 近拍大聲質問 女遊客抱孩哀求：我有小孩子在
樓主透露更多細節
在回應網民時樓主繼續自責，並透露更多細節：
•網民甲：去到邊俾現金或者ATM（櫃員機）撳錢都係，即場數好晒（先）走，唔差嗰幾秒。
樓主：真係蠢咗了。
•網民乙：報警。
樓主：同Call台（的士台）講，佢串到：咁咪報警囉，完全係同流合污。
•網民丙：記得以後搭的士都要自備散銀搭，一到掉低錢落車。
樓主：經一事蔡一智。
相關閱讀：港男颱風截的士1招KO劏客司機 結果歡喜收場$29返到屋企
網民：只得大紙真係唔好坐的士
有網民感慨「呢度呃完，喺第二度報應蝕得仲甘，何苦做啲鼠竊狗偷嘅事，唔Sam Hui（心虛）咩？年紀大唔代表可以做壞事！偷呃拐騙落到地獄有排受！唔值得！」。
另有人苦口婆心提醒「講真只得大紙真係唔好坐的士，怕佢無得找」、「你見得少。上次喺鑽石山禁區位落車，個司機摺埋找少10蚊添，由嗰一刻開始以後用電子支付網約好啲」。
資料來源：pty8645＠facebook
相關閱讀：的士司機急尋一家三口致謝 獲贈「咁多」小費渡人生低潮 網民眼濕濕：保留住先當護身符↓↓↓↓
一位的士司機近3年前消受了陌生人的暖意後銘感五中，今年中在網上尋找恩人致謝，故事感動網民。
樓主在人生低潮時遇到一家三口乘客，對方不但給予$500元小費作激勵，還留下長21字的金句。樓主如今感恩地表示，「呢張$500對當時經歷人生低潮嘅我嚟講係一個幾重要嘅啟示」↓↓↓↓
