母親當街跪仔激動懇求一事 下跪前遭疑似孫仔粗暴扯開 網民重組案情：阿媽用心良苦｜Juicy叮
發佈時間：11:36 2025-08-23 HKT
本港街頭出現阿媽跪仔倫理奇觀。一名母親被拍攝到向兒子激動下跪；事發前，更遭疑似孫仔粗暴扯開。網民根據網上流傳的短片自行重組案情後，大都稱讚這位是用心良苦的好媽媽。詳情見下圖及下文：
母親當街跪仔激動懇求一事 下跪前遭疑似孫仔粗暴扯開逐張睇↓↓↓↓
樓主：香港人係鍾意嗌交嘅
樓主本月19日下午在facebook上載一段長約38秒的短片，當中以「香港人係鍾意嗌交嘅，你郁我啦笨」為題，簡單講述片中的街頭衝突情況。
短片開始時，身為人母的粉紅衣大媽已在糾纏。短片出現的主要人物包括大媽本人、穿藍色短袖上衣的高個子、站於單車旁的粉藍衣光頭漢、一名玩手機黑衣短褲青年，和一名站於橙柱旁帶有行李箱穿格仔裙的女子。
相關閱讀：土瓜灣港男當街跪女友 事主朋友爆「出軌」內情 網民：有冇摑佢十四巴
兒子粗言穢語擺脫母親糾纏
情緒激動的藍衣高個子正是大媽的兒子，片中不斷以粗言穢語擺脫母親的糾纏：
•藍衣高個子向母親說：Ｘ，你行開，你黐Ｘ線㗎，你想點？
•粉藍衣光頭漢：都問你想點咯？
•藍衣高個子把手拉車放於燈柱下，走向粉藍衣光頭漢與他對峙，母親亦步亦趨。
•藍衣高個子甩開母親的手：你行開啦，你做乜丫？你唔好理呀！
•一名女聲：行開啦。
•藍衣高個子向母親說：你唔好過嚟。
•藍衣高個子跟短褲青年說：你捉實佢，你唔好睇公仔書呀。
•藍衣高個子接著轉身怒問粉藍衣光頭漢：你依家想點呀？
•短褲青年試圖捉著大媽，甚至扯著大媽衣服的胸口位置：你行開呀。
•短褲青年繼續阻大媽回頭，怒吼：你行開呀！你行開呀！
•藍衣高個子再推開母親：你做乜？你黐Ｘ線。
•大媽連隨捉著兒子的手跪下，苦勸：返去......
•藍衣高個子向母親說：你行、你黐、你起身啦。
•粉藍衣光頭漢試圖伸手移開大媽捉著兒子的手。
•藍衣高個子：Ｘ你老Ｘ，你唔好掂我阿媽呀！我同你講呀！
此時，路上有一名男子踏單車經過，但無理會各人。
•粉藍衣光頭漢：我冇掂你阿媽呀。
•大媽繼續於兩人中間調停。
•藍衣高個子怒問母親：做咩Ｘ嘢呀？
•粉藍衣光頭漢移動單車準備離開前拋下一句：都黐Ｘ線嘅。
網民：陰公個老母跪個仔
網民看過短片後心酸地稱「陰公個老母跪個仔」，但指片中「無厘頭無頭無尾，不知發生何事」，於是自動波重組案情，估計：「係驚件onＸ仔打到人麻煩」、「阿媽做得好，如果唔係阿仔坐足一世監」、「個老母驚個戇Ｘ仔俾人打死，求佢唔好搞事」、「有個好老母喺到，個仔中Ｘ下Ｘ下」；有人講出至理名言「衝動有時可能做成無可挽救後果」。
相關閱讀：筲箕灣港男當街下跪 女友手部反應成亮點 網民：表現咗權力同優勢方
有網民責罵短褲青年
有網民則針對片中的短褲青年責罵：「個靚仔係唔係佢個孫，咁大聲喝阿嫲？「唉！個孫咁呼喝嫲嫲，真係好過份」、「個孫對個阿嫲都咁冇禮貌，似個老竇好勇鬥狠！」、「個條著黑色衫嘅靚仔都有問題啦！唔勸老豆離開兼喝阿婆走」。
有人則認為「阿伯比佢兩父子有品好多」、「佢倆父子只識得高聲鬧阿媽同阿嫲」、「如果真係阿媽，更加唔應該向阿媽講粗口」。
網民：的確成功化解咗 打唔成
對於大媽的跪仔行動，網民認為「的確成功化解咗」、「打唔成」、「以和為貴」、「搞到阿叔都呆咗唔敢問候佢娘親」、「阿伯都算係咁，見個女人跪低即刻走」。
有人繼續批評「阿叔見到佢老母跪都想扶佢起身，個死Ｘ街淨係識叫唔好掂佢阿媽，呢啲Ｘ頭無Ｘ用」，苦口婆心指「你阿媽救咗你，打贏坐監，打輸瞓醫院，最差情況殮房，有其父必有其子」。
相關閱讀：旺角男港鐵職員面前低頭下跪 事發照瘋傳惹揣測 港鐵回應揭事件真相
網民：好母親 用心良苦
片中最為網民支持是，始終是下跪的大媽，稱「母愛大過天」、「阿媽想少事化無」、「好母親，用心良苦」、「呢個媽媽好偉大 ，好有智慧」、「年少氣盛，難為父母，長憂九十九」、「阿媽用心良苦！阿伯都已經唔想嘈了！兩個正衰仔！」。
資料來源：LK MO＠facebook
相關閱讀：屯門男當眾跪妻認錯秒變臉：「老婆我對你唔住啊...你贏晒啦」 網民同情女方：佢心理壓力幾大↓↓↓↓
有男子在屯門時代廣場的天橋，當眾向妻子下跪認錯，但瞬即變臉向妻子喊叫：「老婆我對你唔住啊！......你唔咪想咁樣咩？！你威晒啦！你贏晒啦！」男子的行為惹來網民熱議，不少網民同情女方，指男方用「咁嘅招數」，「逼女人就範，落女人面」，有「情緒勒索」之嫌，「個女人心理壓力其實幾大。」事件過程如下↓↓↓↓
