港鐵鑽石山站女乘客持槌仔搭電梯 港男目擊車廂嚇人前傳 醒目做一事自保｜Juicy叮
發佈時間：15:46 2025-08-09 HKT
港鐵屯馬綫鑽石山站一名梳髮髻的女乘客，昨日（8日）被發現手持一個紅色槌仔乘搭扶手電梯。目擊事件的港男，更加在網上憶述髮髻女之前在車廂內的嚇人舉動，並爆料指自己做了一件「減低風險」的事來自保。詳情見下圖及下文：
港鐵鑽石山站髮髻女持槌仔搭電梯 港男目擊車廂嚇人前傳逐張睇↓↓↓↓
樓主目擊手持紅色槌仔
樓主昨晚在社交平台Threads發帖上載相片提醒「注意安全」，指「今晚20:26-20:28左右， 鑽石山站屯馬綫往馬鞍山方向月台電梯，發現一名喃喃自語嘅華籍女子，年齡大約40-50，手持紅色槌仔，我立即向當值站務員報告，站務員沒有回答他會採取甚麼行動。我係20:29- 20:30同站務員對話」。
樓主續爆出事件的前傳，「我同該女子同一車廂，佢喺車廂拿出紅色槌子喃喃自語，我馬上行去另外一個車廂（減低風險）。大家喺附近活動要小心周圍」。相中見到正乘搭扶手電梯的女子，其手持的紅槌剛好貼向鼻樑位置。
相關閱讀：鴨寮街女與南亞漢衝突持「刀狀物」 警按槍喝止：「你做咩事！」 女子「騰雞」反應惹熱議
港鐵：接獲乘客報告 疑持槌狀物件傷害自己
港鐵回覆《星島頭條》查詢時表示，根據紀錄，昨晚（8日）約8時半，鑽石山站職員接獲乘客報告，懷疑一名女乘客在站內持槌狀物件傷害自己，站員隨即前往了解但未有發現。港鐵續指，致力與乘客共同營造安全乘車環境，乘客如遇可疑情況可聯絡職員，以作適切跟進。
相關閱讀：與大媽迎面撞手臂 馬鞍山港女外套長袖衫應聲鎅爛 上臂留Ｘcm長傷痕
網民分享街頭驚險事件
因應事件，有幽默的網民給髮髻女命名為「屯馬雷神」。不過，提到街頭的驚險事件，有網民在留言欄分享經歷：
•我喺CWB（Causeway Bay，銅鑼灣）俾一個老野推我，差啲跌落地，我當時過完馬路向左轉，右手持傘，但有一老男人在我左身後推我，他說我傘篤到佢，但我是向左轉，他在我身後，怎會篤到佢，我當然鬧爆佢，他急急腳走人，所以不要助長儍人的行為，有事就要出聲！
•我親眼見喺旺角等緊紅綠燈，有條30幾歲嘅Ｘ街仔，特登紅燈照過馬路，然後撞向我前面嘅中年大叔，跟住走咗去，擺明係撩交打（但個大叔個樣好淋善）... 佢哋嘅目的都係借你發洩。
於是樓主不嫌長氣提醒，「地鐵、巴士、過馬路唔好行到咁近月台同馬路邊， 唔係無試過有候車乘客被人推落路軌」。
資料來源：alexoutdoorcoffee＠Threads
相關閱讀：長裙大媽持「利鋸」通街走 一舉動極危險 網民：差啲比佢劈到！後續發展係咁...↓↓↓↓
去年底有網民落街，竟遇到一名長裙大媽，手持「利鋸」通街走，「利鋸」無遮無掩，大媽旁若無人，以一個奇怪的方式揮動，險象環生，「行過差啲比佢劈到。」該網民在社交平台Threads發帖講述事件，詳情如下↓↓↓↓
